|
2021-08-28 19:02:10, 1011 ნახვა
ეკონომიკა
ნათია თურნავა - „აწარმოე საქართველოში" დაწყებული თევზჭერის ინდუსტრიის მხარდამჭერი პროგრამის ფარგლებში ქართულ თევზსაჭერ ფლოტს ეტაპობრივად აღვადგენთ
ეკონომიკისა და მდგრადი განვითარების მინისტრის ნათია თურნავას განცხადებით, მთავრობის მიერ თევზჭერის ინდუსტრიის მხარდაჭერის მიზნით „აწარმოე საქართველოში" ფარგლებში დაწყებული პროგრამის მეშვეობით 14 ახალი თევზსაჭერი გემის შეძენა და დღეს არსებული მოძველებული გემების ეტაპობრივი ჩანაცვლება ხდება.- ინფორმაციას ეკონომიკის სამინისტრო ავრცელებს. მინისტრის თქმით, საამაყოა, რომ ამ პროგრამის შედეგად, ჩვენს თევზსაჭერ ფლოტზე ქართული დროშა იფრიალებს და რაც ძალიან მნიშვნელოვანია, ჩვენი მეთევზეები ქართული სეინერებით გავლენ ზღვაში და არა - უცხო ქვეყნის სეინერებით. „ამ პროგრამით უკვე შეიქმნა 250-მდე ახალი სამუშაო ადგილი, ჯამური ინვესტიცია კი 51 მილიონ ლარზე მეტია. ახალი გემებით მეთევზეები წლიური თევზჭერის კვოტის მაქსიმალურ ათვისებას შეძლებენ", - განაცხადა ნათია თურნავამ. "საზღვაო სფეროში თევზჭერის მიმართულების განვითარებისათვის აღნიშნული პროექტი ეკონომიკისა და მდგრადი განვითარების სამინისტროს, საზღვაო ტრანსპორტის სააგენტოსა და სააგენტოს „აწარმოე საქართველოში" ერთობლივი მუშაობის შედეგად შეიქმნა. პროექტი ხელს შეუწყობს თევზმჭერი ფლოტის განახლებას და დარგში თანამედროვე ტექნოლოგიების დანერგვას, ასევე თევზჭერის პროდუქტების გაყიდვების გეოგრაფიის ზრდას. ამასთან, აღსანიშნავია, რომ მიმდინარე წელს ფოთში გაიხსნა საზღვაო აკადემიის ახალი ფილიალი, სადაც არა მხოლოდ მეზღვაურები, არამედ უფასოდ მოემზადებიან მეთევზეები, რომლებიც ახალ ტექნოლოგიებს დაეუფლებიან."-ნათქვამია განცხადებაში.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



