|
2021-08-26 11:19:05, 503 ნახვა
ეკონომიკა
ავიაკომპანია „ვიზეარის" ტოპ მენეჯმენტმა ქუთაისის განახლებული აეროპორტი და აეროპორტთან მდებარე სარკინიგზო სადგურის მიმდინარე სამშენებლო პროცესი დაათვალიერა
ქართული მხარის მოწვევით საქართველოში ორდღიანი ვიზიტით უნგრული ავიაკომპანია „ვიზეარის" ტოპ მენეჯმენტი იმყოფება. ვიზიტის ფარგლებში ავიაკომპანიის წარმომადგენლები ქუთაისსა და თბილისს სტუმრობენ. ქუთაისში ავიაკომპანია „ვიზეარის" ტოპ მენეჯმენტმა ქუთაისის განახლებული საერთაშორისო აეროპორტი დაათვალიერა, ასევე ადგილზე გაეცნო აეროპორტთან მდებარე სარკინიგზო სადგურის მიმდინარე სამშენებლო პროცესს, რომელიც უახლოეს პერიოდში დასრულდება. ქუთაისის აეროპორტი რკინიგზის სადგურს მიმდინარე წლის შემოდგომიდან დაუკავშირდება და პირველ მგზავრებს მიიღებს. სადგური, რომელიც მნიშვნელოვანი ობიექტი იქნება როგორც ქუთაისისთვის, ასევე კერძო სექტორისთვის და მოსახლეობისთვის, ხელს შეუწყობს ქუთაისის საერთაშორისო აეროპორტში მობილობის ზრდას და მოგზაურებს აროპორტთან წვდომას გაუადვილებს. „ვიზეარის" დირექტორის, ოვეინ ჯონსის თქმით, უნგრული ავიაკომპანია იყო პირველი, რომელმაც ქუთაისის საერთაშორისო აეროპორტში ფრენები დაიწყო. მისივე თქმით, აეროპორტის ახალი ტერმინალი იმას მოწმობს, რომ იზრდება ქალაქი და იზრდება მოთხოვნა მოგზაურობაზე. ამასთან, ვიზიტისას „ვიზეარის" ტოპ მენეჯმენტმა თბილისში შეხვედრა გამართა ეკონომიკისა და მდგრადი განვითარების მინისტრის მოადგილესთან, მარიამ ქვრივიშვილთან, რა დროსაც სამომავლო თანამშრომლობის გეგმები განიხილეს. აღინიშნა, რომ კომპანია მზადაა, ქუთაისის საერთაშორისო აეროპორტიდან ევროპის მიმართულებებით ახალი ავიარეისები დაამატოს.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



