წინანდალში, მომხდარი დაპირისპირების შედეგად, გარდაცვლილი ნიკა კენჭოშვილის მამამ „ტვ პირველს“ განუცხადა , რომ მისი ინფორმაციით ზვიადაური იქ იქამდე იყო სანამ სროლა დაიწყებოდა.

„ჩემი ინფორმაციით, ზვიადაური იქ თავიდანვე (სანამ სროლა დაიწყებოდა) იყო. თვითმხილველებმა ასე მითხრეს. ტყუილია ის ინფორმაციაც, რომ ჩემი შვილი ზვიადაურმა მიიყვანა, ნიკა საავადმყოფოში გოგა და გაგა კენჭოშვილებმა გადაიყვანეს"- განაცხადა  "ტვ პირველთან" ნიკა კენჭოშვილის მამამ. 

 მისი თქმით, ჩხუბის დაწყების მიზეზი მუშებს შორის დაპირპირება იყო, სადაც კენჭოშვილიც ჩაერთო.

„მე როგორც ვიცი, ჩხუბის მიზეზი გახდა ის, რომ ბრიგადის წევრებს, რომელშიც ჩემი შვილიც იყო, ფიცარზე მოუზელიათ ალიზი, რის გამოც დაიწყო შეხლა-შემოხლა. ვატოს, ამ ფირმის პრარაბს, დაარტყეს. დაბლა გადავარდნილა, ჩემი შვილი ამ დროს დაბლა მუშაბდა და ეს რომ დაინახა... უსამართლობას ვერ იტანდა ჩემი შვილი, მერე ჩაერთო"- აცხადებს გარდაცვლილის მამა.“ 

მოკლული ბიჭის მამა თვითმხილველებზე დაყრდნობით ყვება, რომ მუხიანის ტყეში ზურაბ ზვიადაური "ჩხუბისთვის მივიდა". 

„ჩხუბით და იარაღით არ უნდა მიხვიდე, მას რომ ეთქვა, შევრიგდეთ ძმებოო, ყველაფერი მოგვარდებოდა. მოკვლისთვის მივიდა ალბათ, ჩხუბისთვის მივიდა “

მოკლულის მამა  ასევე განმარტა თუ რატომ ჰქონდა მის შვილს იარაღი. 

 მისი თქმით, მოკლულს ნადირობა უყვარდა და სწორედ ამიტომ  განვადებით უყიდეს სანადირო თოფი. "განვადებით, მე თვითონ ვაყიდინე ეს თოფი"- აცხადებს კენჭოშვილის მამა

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს