მესი „ბარსელონას“ დაემშვიდობა. ეს სიტყვები არამარტო კატალონიური კლუბის გულშემატკივრებისთვის, არამედ მთელი საფეხბურთო სამყაროსთვის შოკისმომგვრელია. დღეს, 8 აგვისტოს არგენტინელმა ფეხბურთელმა პრესკონფერენცია გამართა, სადაც ჟურნალისტების სხვადასხვა კითხვას უპასუხა.

მესიმ დარბაზში შესვლის შემდეგ, კონფერენციის დაწყებამდე ემოციები ვერ შეიკავა.

„ბოლო დღეები ბევრს ვფიქრობდი, რა უნდა მეთქვა და სიმართლე რომ გითხრათ, ვერაფერი მოვიფიქრე. მე და ჩემი ოჯახი დაგვარწმუნეს, რომ დავრჩებოდით და ჩვენც მხოლოდ ეს გვსურდა. მაგრამ დღეს დამშვიდობება მიწევს. მთელი ცხოვრება აქ გავატარე და ამისთვის მზად არ ვარ. 13 წლიდან აქ ვარ და 21 წლის შემდეგ მივდივარ ჩემს მეუღლესთან და სამ კატალონიელ-არგენტინელ შვილთან ერთად. დიდი მადლობა მინდა გადავუხადო ჩემ გუნდელებს და ყოფილ თანაგუნდელებს, ყველას ვინც ჩემ მხარეს იყო.“- თქვა უკვე ლეგენდარულმა ფეხბურთელმა.

„ოქროს ბურთის“ ექვსგზის მფლობელი არგენტინელი სუპერვარსკვლავი „ბარსელონას“ ღირსებას 2000 წლიდან იცავდა და კატალონიური კლუბის ყველა წარმატება უშუალოდ ლიონელ მესისთან იყო დაკავშირებული.

მესიმ და „ბარსელონამ“ ათჯერ მოიგეს ესპანეთის ჩემპიონატი, შვიდჯერ ესპანეთის თასი და რვაჯერ – სუპერთასი, ჩემპიონთა ლიგის მოგება კი არგენტინელმა კატალონიურ კლუბთან ერთად ოთხჯერ იზეიმა.

გასულ სეზონში ლიონელ მესიმ ესპანეთის ჩემპიონატში 35 მატჩი ჩაატარა, გაიტანა 30 გოლი და ცხრა შედეგიანი გადაცემა შეასრულა.

ავტორი: ექსპრესნიუსი,

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა