ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, თამარ გაბუნიამ და აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ სამუშაო შეხვედრა დისტანციურ რეჟიმში აჭარის პირველადი ჯანდაცვის ცენტრების წარმომადგენლებთან გამართეს. ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, შეხვედრაზე განიხილეს აჭარაში არსებული ეპიდემიოლოგიური ვითარება და ვაქცინაციის პროცესის მიმდინარეობა. დისკუსიისას აღინიშნა, რომ კორონავირუსის შემთხვევათა მატების ფონზე, უაცილებელია ვაქცინაციის პროცესის კიდევ უფრო გააქტიურება. იმუნიზაციის გაფართოებისა და მასშტაბურად წარმოებისათვის ასევე განიხილება სოფლის ექიმების ჩართვა.

„აჭარაში სამედიცინო დაწესებულებები სრულ მზადყოფნაშია. მობილიზებულია საწოლფონდი. მომდევნო კვირიდან კიდევ უფრო ფართოდ გაიშლება მასშტაბი და პრაქტიკულად 24-ივე სამედიცინო დაწესებულება, 52 ამცრელი ბრიგადით შეძლებს ვაქცინაციის ადმინისტრირებას“, - განაცხადა მინისტრმა, ნინო ნიჟარაძემ.

მინისტრის განმარტებით, უახლოეს დღეებში ვქცინაციის პროცესის გააქტიურების მიზნით, მაღალმთიან აჭარასა და ბათუმში დაგეგმილია პედაგოგებისა და ტურიზმის სექტორის წარმომადგენლების იმუნიზაცია.

ავტორი: NS (სტატია დაფინანსებულია),

სოციალური ქსელები

ახალი შეთავაზება თიბისის ინვესტიციების პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ

ტრამპი 2024 წლის არჩევნებში გამარჯვების შემდეგ 2.7 მილიარდი დოლარით გამდიდრდა