შუახევის მუნიციპალიტეტის მერის მოვალეობის შემსრულებელი ომარ ტაკიძე, გაზრდილი ბიუჯეტის ფარგლებში, მოსახლეობასთან შეხვედრებს განაგრძობს.

დღეს, მორიგი შეხვედრა ზამლეთის ადმინისტრაციული ერთეულის მოსახლეობასთან გამართა, სადაც ადგილობრივებს, როგორც სახელმწიფო, ისე აჭარის მთავრობის და მუნიციპალიტეტის გაზრდილი ბიუჯეტის ფარგლებში დაგეგმილი და მიმდინარე პროექტები გააცნო.

მიმდინარეობს სოფელ ბუთურაულის სოფლის ცენტრის კეთილმოწყობა;

გრძელდება სოფელში შიდასაუბნო გზების პრობლემატურ მონაკვეთებზე ბეტონის საფარის მოწყობა. რამდენიმე ლოკაციაზე სამუშაოები უკვე დასრულებულია;

მეწყერსაწინააღმდეგო ღონისძიებები განხორციელდება 15-მდე ლოკაციაზე;

მიმდინარეობს ჩანჩხალო-ნიგაზეულის სასმელი წყლის ახალი სათავე-ნაგებობისა და ქსელების მოწყობა;

წყლის გამანაწილებელი ავზები მოეწყობა ნიგაზეულში, ფურტიოში, ბუთურაულსა და ნენიაში;

დაგეგმილია სოფლებში სარწყავი არხის მოწყობა;

აჭარის საავტომობილო გზების დეპარტამენტის მიერ ხორციელდება ფერდსამაგრი კედლებისა და ბეტონის საფარის მოწყობითი სამუშაოები;

მიმდინარე წელს, ზამლეთის თემში ადგილობრივი ბიუჯეტით ინფრასტრუქტურულ ღონისძიებებზე 900 000-ლარამდე დაიხარჯება.

შეხვედრას, საკრებულოს თავმჯდომარე გიორგი დავითაძე, აჭარის მთავრობის თავმჯდომარის მრჩეველი როსტომ ლორთქიფანიძე და სხვა ხელმძღვანელი პირები ესწრებოდნენ.

ავტორი: NS (სტატია დაფინანსებულია),

სოციალური ქსელები

ახალი შეთავაზება თიბისის ინვესტიციების პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

რუსეთის საგადასახადო სამსახურმა თამარა გვერდწითელის კომპანიის ანგარიშები დაბლოკა

თურქეთმა რუსული ქვანახშირის შესყიდვები შეაჩერა შავ ზღვაში უკრაინის მიერ გემებზე თავდასხმის შემდეგ

ტრამპი 2024 წლის არჩევნებში გამარჯვების შემდეგ 2.7 მილიარდი დოლარით გამდიდრდა