სოფლის მეურნეობის სამეცნიერო-კვლევითი ცენტრისდირექტორი ლევან უჯმაჯურიძე საფრანგეთის სოფლის მეურნეობის, სურსათისა და გარემოს ეროვნული ინსტიტუტის (INRAE) ვაზის გენეტიკური რესურსების კოლექციის დირექტორს, სესილი მარშალსშეხვდა.

ლევან უჯმაჯურიძემ სტუმარს ჯიღაურას მრავალწლოვანი კლუტურების საცდელ-სადემონტრაციო ბაზაზე ვაზის კოლექციები და ლაბორატორიებში მიმდინარე სამუშაოები გააცნო. მხარეებმა მევენახეობის მიმართულებით ქვეყნების გამოცდილების გაზიარებაზე, ვაზის გენეტიკური რესურსების გაცვლაზე, ერთობლივ კვლევებსა და სპეციალისტების გადამზადებაზე იმსჯელეს. შეხვედრაზე აღინიშნა, რომ ფრანგული მხარე საქართველოს ვაზის ჯიშების შესახებ მონაცემთა ბაზის სრულყოფაში დაეხმარება. მხარეებმა სარგავი მასალის სერტიფიცირების პროცესზეც ისაუბრეს, რომელსაც სახელმწიფო 2016 წლიდან აქტიურად ახორციელებს. მაღალი კატეგორიისსაბაზისო სადედე ნარგაობის მოწყობის მიზნით, ჯიღაურას ბაზაზე 2021 წელს, გაეროს სურსათისა და სოფლის მეურნეობის ორგანიზაციის (FAO) ფინანსური მხარდაჭერით ეკრანული სათბურები მოეწყო, საიდანაც საკვირტე და საძირე მასალა სანერგე მეურნეობებში სადედეების მოსაწყობად გავრცელდება.

აღსანიშნავია, რომ INRAE-ს დაქვემდებარებაში მყოფ ვასალ მონპელიეს ვაზის ბიოლოგიური რესურების ცენტრში, 55 ქვეყნიდან 5000 -მდე ნიმუშია თავმოყრილი; აქედან კულტურული ვაზის 2600-მდე  ჯიში და ველური ვაზის 400-მდე ფორმაა. კოლექციაში  ასევე დაცულია400 საძირე და  ვიტისის გვარის სხვადასხვა სახეობა.

სოფლის მეურნეობის სამეცნიერო-კვლევითმა ცენტრმა საფრანგეთის სოფლის მეურნეობის, სურსათისა და გარემოს ეროვნული ინსტიტუტთან (INRAE) თანამშრომლობის მემორანდუმს 2019 წელს მოაწერა ხელი. მემორანდუმი ერთობლივი პროექტების შემუშავებას და უწყებების დაქვემდებარებაში არსებულ ბაზებზე გაშენებული ვაზის ჯიშების მრავალფეროვნების შესწავლას, სპეციალისტების,ინფორმაციის გაცვლას და ერთობლივ სამეცნიერო-კვლევითი სამუშაოების  ჩატარებას გულისხმობს.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს