|
2021-07-06 15:42:35, 1223 ნახვა
ეკონომიკა
ნათია თურნავა: ექსპორტზე ორიენტირებულ და იმპორტჩამნაცვლებელ ბიზნესებს მხარდაჭერის ახალ, კომპლექსურ ბერკეტს შევთავაზებთ
„პრემიერ-მინისტრის დავალებით, პროგრამა „აწარმოე საქართველოში," რომელმაც არაერთხელ დაადასტურა თავისი ეფექტურობა, მათ შორის, განსაკუთრებით, 2020 წლის კრიზისის დროს, როცა გაკოტრებას გადაარჩინა ბევრი საწარმო, ხოლო სამუშაო ადგილის დაკარგვას - ათასობით ადამიანი, განახლებული სახით გააგრძელებს ფუნქციონირებას და კვლავ იქნება სწრაფი განვითარების ამოცანებზე ორიენტირებული", - ამის შესახებ ეკონომიკის მინისტრმა „ბიოლში" გამართულ პრეზენტაციაზე აღნიშნა, სადაც საქართველოს ეკონომიკის განვითარების ათწლიანი ხედვა წარადგინა. მინისტრის ინფორმაციით, ერთ-ერთი სიახლე იქნება ექსპორტზე ორიენტირებული და იმპორტის ჩამნაცვლებელი პოტენციური დარგებისთვის წახალისების სპეციალური მხარდაჭერის მექანიზმების შეთავაზება. „იდენტიფიცირებული გვაქვს 50-მდე სხვადასხვა დარგი, სადაც გაგვაჩნია ამის დიდი პოტენციალი. ჩვენ მათ შევთავაზებთ კომპლექსურ, ერთიან ბერკეტს, რომელიც, ერთდროულად მოიცავს სესხის პროცენტის სუბსიდირებას, საკრედიტო-საგარანტიო მხარდაჭერას და ასევე სრულიად ახალ კომპონენტს - გრანტს" - აღნიშნა ნათია თურნავამ. მისივე განმარტებით, ამ კომპლექსურ, ერთიან პაკეტში სესხის პროცენტის სუბსიდირება გაგრძელდება სესხის მთელი ხანგრძლივობის პერიოდში და არა 3 წლის მანძილზე, როგორც დღეს გვაქვს, ხოლო გრანტი იქნება სესხის მოცულობის 15 პროცენტი, მაქსიმუმ ნახევარი მილიონი ლარის ოდენობით. „რატომ გრანტი? - იმიტომ, რომ ერთ-ერთი მთავარი პრობლემა, რაც არის ჩვენ მიერ იდენტიფიცირებული მცირე ბიზნესში და რაც ხელს უშლის სახსრების მეტად მოზიდვას, განვითარებასა და გადაიარაღებას, არის საკუთარი კაპიტალის ნაკლებობა. სწორედ ამ პრობლემის ადრესირებას ვაკეთებთ გრანტით და ვფიქრობთ, რომ ეს იქნება ძალიან მნიშვნელოვანი დახმარება საექსპორტო და იმპორტჩამნაცვლებელი ინდუსტრიებისთვის"- აღნიშნა ეკონომიკის მინისტრმა.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



