|
2021-07-06 12:59:19, 957 ნახვა
ეკონომიკა
ნათია თურნავა: ეკონომიკური განვითარების 10-წლიანი დოკუმენტი მოიცავს სულ მცირე თორმეტ მსხვილ მიმართულებას
„ჩვენი მთავარი ამოცანა უახლოეს და საშუალოვადიან პერიოდში იქნება ეკონომიკური ზრდის სტაბილურად მაღალი ტემპების შენარჩუნება, ისევე, როგორც მაკროეკონომიკური სტაბილური გარემო და გარემოს განჭვრეტადობა ჩვენი ბიზნესისთვის, რაც ძალიან მნიშვნელოვანია", - ამის შესახებ ეკონომიკისა და მდგრადი განვითარების მინისტრმა საქართველოს ეკონომიკის გრძელვადიანი განვითარების ხედვის შესახებ „ეკონომიკა - 2030" გამართულ პრეზენტაციაზე განაცხადა. საქართველოს პრემიერ-მინისტრის მიერ ინიცირებული 10-წლიანი სამთავრობო გეგმის ფარგლებში შემუშავებული ეკონომიკური განვითარების სტრატეგიის პრეზენტაცია ბიოლის ველნეს კურორტზე გაიმართა. მასში მონაწილეობა მიიღო პრემიერ-მინისტრმა ირაკლი ღარიბაშვილმა, ასევე დაესწრნენ პარლამენტარები, საქართველოს ბიზნეს გაერთიანებების, საქართველოს აკრედიტებული დიპლომატიური კორპუსისა და საფინანსო ორგანიზაციების წარმომადგენლები. ნათია თურნავას ინფორმაციით, თავად დოკუმენტი მოიცავს სულ მცირე თორმეტ მსხვილ მიმართულებას, დაწყებული ეკონომიკის განვითარების ჩარჩო-სტრატეგიით, მცირე ბიზნესის გაძლიერებით, ინვესტიციების მოზიდვით, დასრულებული თითოეულ საკვანძო დარგში განვითარების კონკრეტული პოლიტიკით და რაოდენობრივი მაჩვენებლებით, რომლებსაც ქვეყანამ უნდა მიაღწიოს 2025 და შემდგომ უკვე 2030 წელს. „ბოლო წლებში, 2019 წლის ჩათვლით, ვიდრე ჩვენ დავდგებოდით გლობალური გამოწვევის, პანდემიის წინაშე, ეკონომიკური ზრდა ხასიათდებოდა საკმაოდ მაღალი დონით, აღმავალი ტენდენციით. ჩვენ მოვიპოვეთ რეგიონში ეკონომიკური ზრდის თვალსაზრისით ლიდერის სტატუსი და რა თქმა უნდა, ეს იყო ჩვენი მიზანმიმართული, ეკონომიკის წამახალისებელი პოლიტიკის შედეგი, პირველ რიგში იმის შედეგი, რომ ჩვენი ხელისუფლების პირობებში ბიზნესი თავისუფალია თავის არჩევანში და ჩვენ ახლა რეალურად ვავითარებთ კერძო ბიზნესის ინიციატივაზე დამყარებულ ეკონომიკას. ასევე ძალიან მნიშვნელოვანი იყო ის პროგრამები, რასაც ჩვენ ვახორციელებდით და დღემდე ვახორციელებთ მცირე ბიზნესის, ადგილობრივი წარმოების, ექსპორტის წახალისების მიმართულებით", - აღნიშნა ეკონომიკისა და მდგრადი განვითარების მინიტრმა. ამასთან, ნათია თურნავას განცხადებით, მნიშვნელოვანია, რომ ეკონომიკური განვითარების სიკეთეები ქვეყნის თითოეულ მოქალაქეს შეეხოს, რისთვისაც საჭიროა ექსპორტზე ორიენტირებული ადგილობრივი წარმოების განვითარება, მცირე და საშუალო ბიზნესის ხელშეწყობა, უცხოური ინვესტიციების მოზიდვა, ევროკავშირის ერთიან ბაზარზე ეტაპობრივი ინტეგრაცია.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



