აჭარის მთავრობის თავმჯდომარე თორნიკე რიჟვაძე საქართველოში ბრიტანეთის ელჩს მარკ კლეიტონს და გაერთიანებული სამეფოს საზღვაო ძალების ხომალდ HMS DEFENDER-ის მეთაურს, II რანგის კაპიტანს ვინს ოუენს შეხვდა.

თორნიკე რიჟვაძემ საქართველოს სუვერენიტეტისა და ევროატლანტიკურ სტრუქტურებში ინტეგრაციის გზაზე გამოხატული ურყევი მხარდაჭერისთვის ბრიტანულ მხარეს  მადლობა გადაუხადა. აჭარის მთავრობის თავმჯდომარემ ასევე ხაზი გაუსვა ბრიტანეთთან არსებული საქმიანი ურთიერთობების მნიშვნელობას როგორც ცენტრალურ, ისე რეგიონულ დონეზეც.

მხარეებმა ისაუბრეს ისტორიული კავშირების კიდევ უფრო გაღრმავებაზე რომელშიც, ბათუმს როგორც საპორტო ქალაქს მნიშვნელოვანი როლი აქვს.

დიდი ბრიტანეთისა და ჩრდილოეთ ირლანდიის გაერთიანებული სამეფოს სამხედრო საზღვაო ფლოტის საჰაერო თავდაცვის თანამედროვე ტიპის გამანადგურებელი HMS DEFENDER ბათუმში 26 ივნისს შემოვიდა. ხომალდის ვიზიტი მიზნად ისახავს თავდაცვისა და უსაფრთხოების სფეროში გაერთიანებულ სამეფოსა და საქართველოს შორის არსებული მჭიდრო თანამშრომლობის დემონსტრირებას.

ავტორი: NS (სტატია დაფინანსებულია),

სოციალური ქსელები

აშშ-ის სასამართლომ საქართველოს ნამახვანის ჰიდროელექტროსადგურის პროექტისთვის ENKA-სთვის 350 მილიონი დოლარის გადახდა დააკისრა

სამინისტროები, რომლებიც წელიწადნახევრის განმავლობაში დააცალკევეს კვლავ გაერთიანდნენ

მარია ზახაროვამ ახალგაზრდა ქართველებს რუსეთში ჩამოსვლისკენ მოუწოდა

ლაიენის ინიციატივაა, შეიქმნას ევროპული უსაფრთხოების საბჭო, გაერთიანდებიან პარტნიორები