საქართველოს მთავრობის მიერ მოწვეული ევროკავშირის ენერგეტიკული გაერთიანების დავების გადაწყვეტის ცენტრის მედიაციით „ნამახვანიჰესის“ მშენებლობის საკითხზე პირველი შეხვედრა მიმდინარეობს.

შეხვედრას ესწრებიან ეკონომიკისა და მდგრადი განვითარების სამინისტროს, ასევე გარემოს დაცვის სამინისტროს და „რიონის მცველების” წარმომადგენლები.

როგორც შეხვედრის დაწყებამდე „ნამახვანჰესის“ საწინააღმდეგო აქციის ორგანიზატორმა, ვარლამ გოლეთიანმა განაცხადა, დღევანდელი შეხვედრა არ არის უშუალოდ მედიაციის პროცესი და შეეხება მხარეების მიერ საკუთარი პოზიციების გაცნობას.

„დღევანდელ დღეს აქვს ის მიზანდასახულობა, რომ მხარეებმა დავაყენოთ ჩვენი პოზიციები და ამის შემდეგ განისაზღვრება, თუ რამდენად შესაძლებელია ზოგადად ამ მედიაციის პროცესის დაწყება. დღევანდელი დღე არ არის უშუალოდ მედიაცია და რაღაც საკითხების შინაარსობრივი განხილვა. დღევანდელი დღე ემსახურება უბრალოდ იმას, რომ ჩვენ ჩვენი პოზიციები მხარეებმა ვთქვათ", - განაცხადა ვარლამ გოლეთიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა