2021-05-24 14:44:49, 1092 ნახვა

---

სალომე ზურაბიშვილი - ბელარუსში „რაინეარის“ რეისის იძულებით დაშვება და ჟურნალისტის დაკავება მიუღებელია

საქართველოს პრეზიდენტი სალომე ზურაბიშვილი სოციალურ ქსელში ათენი-ვილნიუსის რეისის მიმართულების შეცვლისა და ჟურნალისტ რომან პროტასევიჩის დაპატიმრების ფაქტს ეხმაურება.

როგორც პრეზიდენტი სოციალურ ქსელ „ტვიტერში“ წერს, მიუღებელია „რაინეარის“ რეისის იძულებით დაშვება ბელარუსში და ჟურნალისტის დაკავება.

„ამით დაირღვა ძალიან ბევრი საერთაშორისო ნორმა, რომლის უგულებელყოფაც შეუძლებელია“, - წერს ზურაბიშვილი.

შეგახსენებთ, რომ გუშინ, მინსკში ოპოზიციონერი ჟურნალისტი, რომან პროტასევიჩი დააკავეს. Ryanair- ის თვითმფრინავი, რომელშიც ოპოზიციურად განწყობილი ჟურნალისტი იმყოფებოდა, ბელარუსის აეროპორტში ავარიულად დაეშვა.

The forced landing of the #Ryanair flight in Belarus and the arrest of a journalist are unacceptable. This violates too many international norms to be ignored.

— Salome Zourabichvili (@Zourabichvili_S) May 24, 2021

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი