ჯოლი : ბრედ პიტთან დაშორების შემდეგ მარტოობა მინდა

2021-05-18 13:45:51, 5591 ნახვა

Lifestyle

ჰოლივუდში ამბობენ:"რაც უფრო ლამაზია წყვილი, მით უფრო რთული იქნება მისი დაშორება". ეს ბედი ე.წ ბრედჯელინას ვარსკვლავურ დუეტსაც ეწია.
განქორწინების შემდეგ, ახალი ურთიერთობების დაწყება არც ერთ მსახიობს არ გამოუვიდა.
წყვილის დაშორება მსოფლიო ყვითელი პრესის სამიზნე დიდი ხნის განმავლობაში გახლდათ. წერდნენ, რომ ყველაფერი ბრედ პიტის ალკოჰოლური დამოკიდებულების და აგრესიულობის გამო დაიწყო. და თუ საერთო უძრავ ქონებასთან დაკავშირებული გაყოფის ფროცესი 1 წელიწადში მოგვარდა, 6 საერთო შვილზე ზრუნვის პრიორიტეტები დღემდე აქტუალური გახლავთ.
ანჯელინა ჯოლის რისხვას ვერც ძვირფასი საჩუქრები გადაურჩა-ეხლახანს მან პიტის ნაჩუქარი უინსტონ ჩერჩილის მხატვრული ტილო გაყიდა. ხოლო რამდენიმე დღეში ერთ-ერთმა შვილმა მედოქსმა სასამართლოს ბრედ პიტის წინააღმდეგ ჩვენება მისცა.
ჯოლის ინტერვიუმ, რომელიც გამოცემა E! News Daily Pop-ში დაიბეჭდა კვლავ ინტერესის გამომწვევი გახდა, ჟურნალისტთან საუბარში ვარსკვლავი აღნიშნავს, რომ დაშორების მიზეზი მწვავე და ნათელია, მაგრამ ის ახალი ურთიერთობების დაწყებას ჯერ არ აპირებს:"ალბათ დიდი ჩამონათვალი მაქვს, რომელშიც ბევრი "არა" არსებობს. დიდი ხანია მარტო ვარ.სიმშვიდით ვტკბები", ამბობს ჯოლი.
ჯოლი ამბობს, რომ 6 ბავშვზე ზრუნვა ამ ეტაპზე მისი უმთავრესი მისიაა:"ძალიან მაცინებს, როცა ბავშვები "ლარა კროფტიდან" აკრობატული ილეთების ჩვენებას მიკრძალავენ-ისინიც ზრუნავენ ჩემზე და ხვდებიან, რომ დედა 20 წლის აღარ არის. ჩვენ ძალიან კარგი გუნდი ვართ",აღნიშნავს ჯოლი.