2021-05-14 11:38:25, 666 ნახვა
პოლიტიკა
ირაკლი კობახიძე - ე.წ ხელოვნური კრიზისი დაძლეულია, ვინ შევა პარლამენტში ან ვინ არა, მნიშვნელობა აღარ აქვს
პარტია „ქართული ოცნების“ თავმჯდომარე ირაკლი კობახიძე აცხადებს, რომ საქართველოში ე.წ ხელოვნური პოლიტიკური კრიზისი უკვე დასრულდა.
როგორც ირაკლი კობახიძემ განმარტა, მნიშვნელობა აღარ აქვს, ვინ შევა დამატებით პარლამენტში და ვინ არა, რადგან ოპოზიცია უკვე წარმოდგენილია საქართველოს საკანონმდებლო ორგანოში.
„რაც შეეხება იმას, თუ ვინ შევა დამატებით პარლამენტში ან ვინ არ შევა, ამას არავითარი არსებითი მნიშვნელობა აღარ აქვს, გამომდინარე იქიდან, რომ ეს ე.წ ხელოვნური კრიზისი არის უკვე დაძლეული, ეს განაცხადა შარლ მიშელმა, ოპოზიცია უკვე არის წარმოდგენილი საქართველოს პარლამენტში, აქედან გამომდინარე, დამატებით ვინ შემოვა და ვინ არ შემოვა, ეს უკვე არსებითად აღარაფერს ცვლის საერთო სურათში“, - განაცხადა ირაკლი კობახიძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
