გასული 4 წელი და გასული 6 თვეც ოპოზიციისთვის სულ უქმე დღეები იყო, - ამის შესახებ საპარლამენტო უმრავლესობის წევრმა, სოზარ სუბარმა განაცხადა, რითაც უქმე დღეების განმავლობაში საპარლამენტო საქმიანობის შეჩერების შესახებ ოპოზიციის მიერ გაკეთებულ კომენტარებს გამოეხმაურა.

მისი თქმით, ოპოზიციის ნაწილი, რომლებიც პარლამენტში შევიდნენ არ მუშაობენ და მხოლოდ განცხადებებს აკეთებენ.

„ბიურო რომ დღეს ჩაინიშნოს, რადგანაც პარლამენტის სხდომები გადავდეთ და ჩვენ ვაკეთებთ ამას, რასაც მოვუწოდებთ მთელ ქვეყანას და ჩვენ უნდა ვიყოთ მაგალითის მიმცემები, სესიაზე განხილვა ამნისტიის კანონპროექტის მაინც დაიწყება მაშინ, როცა პარლამენტი დაიწყებს მუშაობას.

ბიურო როდის ჩაინიშნება ამას არ აქვს არანიარი მნიშვნელობა ამ კონკრეტულ შემთხვევაში, ეს არის მართლა არაფრის გამო ატეხილი ხმაური, სალაპარაკო რომ აღარაფერი დარჩა ზოგიერთ ოპოზიციონერს, ცდილობენ რაღაც თემა გამოძებნონ.

გასული 4 წელი ოპოზიციისთვის იყო სულ უქმე დღეები და გასული 6 თვეც სულ უქმე იყო, დარწმუნებული იყავით, 2- ჯერ შემოვლენ პარლამენტში და ისევ სულ უქმე დღეები დაიწყება ამათთვის. არ დადიან, არ მუშაობენ, განცხადებების მეტი არაფერი უნდათ და ეს განცხადებებიც დერეფანს ვერ გასცდნენ ძირითადად. მათ ჭკუაზე რომ გაგვევლო, შეწყვეტილი ექნებოდათ მანდატებიც და საერთოდ ვერ შემოვიდოდნენ პარლამენტში, შემოვიდნენ და მადლობასაც არ იხდიან, რომ ასეთი ბედნიერები არიან“, - განაცხადა სოზარ სუბარმა.

ავტორი: ექსპრესნიუსი,

სოციალური ქსელები

მადიარი ზელენსკისთან შეხვედრაზე - შეთანხმება მიღწეულია ურთიერთობების ახალ საფუძველზე გადასვლის შესახებ

ლე პენი მზადაა უკრაინაში გაემგზავროს ზელენსკისთან ფინანსური დახმარების საკითხზე დებატებზე

30, 31 ოქტომბერი და 1 ნოემბერი - საქართველოს ბანკის მხარდაჭერით, თბილისის წიგნის დღეები გაიმართება

City Mall-ის დაბადების დღეზე საქართველოს ბანკის მომხმარებლები ნაწილ-ნაწილ გადახდით პირველად სარგებლობისას ქეშბექს მიიღებენ