დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, იმუნიზაციის გარეშე პანდემია არ დასრულდება.

როგორც ამირან გამყრელიძემ ჩინური ვაქცინა „სინოფარმით" აცრის შემდეგ, ჟურნალისტებს განუცხადა, მოსახლეობის 60%-ის ორჯერადად აცრის შემთხვევაში, გარე სივრცეში ნიღბების ტარება აღარ იქნება სავალდებულო.

მისივე თქმით, 300-500 ადამიანის კორონავირუსის საწინააღმდეგო ვაქცინით აცრა, უდრის ერთ გადარჩენილ სიცოცხლეს.

„აცრების გარეშე და იმუნიზაციის გარეშე პანდემია არ დამთავრდება. მთავარი გზა პანდემიის დასრულებისკენ გადის ჩვენს ქცევებზე, ყველას გვიკეთია ნიღბები, მივეჩვიეთ, მაგრმა თუ ავიცრებით 2-ჯერ 60% მოსახლეობის, ჩვენ გარეთ მოვიხსნით ნიღაბს, თუ ჩამოგვიყალიბდა იმუნიტეტი. მოვუწოდებ მოსახლეობას, რომ მივიდეთ ამცრელ პუნქტებში და ავიცრათ. დღეს აცრები წარმოებს 91 სამედიცინო დაწესებულაბაში, დღევანდელი საშუალო გვქონდა 1 200- 1 500 აცრა დღიურად, დღეს იქნება 2 800-მდე ადამიანი უნდა აიცრას, სამივე ვაქცინით ქვეყანაში, მაგრამ ესეც არ იქნება საკმარისი, უნდა ვეცადოთ, რომ ყოველდღიური აცრის რაოდენობა გვექონდეს 5-6 ათასის ფარლებში, მაშინ წავალთ იმ მიზნისკენ, რაც არის ჯანმრთელი საქართველო, მოსახლეობა, რომ ყოველდღიურად აღარ იყოს კორონავირუსით ადამიანების გარდაცვალება. 300-500 ადამიანის აცრა არის 1 გადარჩენილი სიცოცხლე. გავითავისოთ ეს და მოვიხადოთ ჩვენი სამოქალაქო ვალი, რომ დავასრულოთ ეს ეპიდემია ჩვენთან და პანდემია მსოფლიოში“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას