2021-04-30 16:55:21, 901 ნახვა
პოლიტიკა
გია ვოლსკის განცხადებით, „ქართული ოცნება“ თბილისის მერობის კანდიდატებს შორის კახა კალაძესაც განიხილავს
გიდასტურებთ, განიხილება კახა კალაძის კანდიდატურაც, - ამის შესახებ პარლამენტის პირველმა ვიცე-სპიკერმა, გია ვოლსკიმ ადგილობრივი თვითთმართველობის არჩევნებში „ქართული ოცნების“ მხრიდან თბილისის მერობის კანდიდატთან დაკავშირებით განაცხადა.
მისი თქმით, აღნიშნულ საკითხზე მმართველი გუნდის მხრიდან განცხადებები უახლოეს მომავალში გაკეთდება.
„უმრავლესობაში მიდის მსჯელობა. გიდასტურებთ, განიხილება კახა კალაძის კანდიდატურაც მათ შორის. თუმცა, კიდევ ერთხელ ხაზს ვუსვამ, რომ ამ თემასთან დაკავშირებით ვრცელი კომენტარები და განცხადებები გვექნება უმოკლეს პერიოდში, როცა გუნდის ყველა წევრი იქნება შეთანხმებული, ავწონ-დავწონით სიტუაციას და შევაფასებთ შექმნილ ვითარებას“, - განაცხადა გია ვოლსკიმ.
ავტორი: ექსპრესნიუსი,
epn.ge (@expressnews.ge)
