„ნაციონალური მოძრაობის“ წევრის, ხატია დეკანოიძის განცხადებით, ნიკა მელია ადგილობრივი თვითმმართველობის არჩევნებში ოპოზიციის საერთო კანდიდატი უნდა ყოფილიყო.

მისი თქმით, არ არსებობს ფორმულა, რომელიც ბიძინა ივანიშვილს „ნაციონალური მოძრაობის“ გარეშე დაამარცხებს.

„როდესაც ჩვენ ვსაუბრობთ მსგავსი წინადადებებით და სიტყვებით, მათ შორის ვსაუბრობთ ადამიანზე, რომელიც არის საპყრობილეში და არის არა მხოლოდ ყველაზე დიდი ოპოზიციური პარტიის ლიდერი, არამედ უდაოდ გამორჩეული ლიდერი ქართულ ოპოზიციურ სპექტრში, ვფიქრობ, რომ არასწორია. მიუხედავად გაყალბებისა, არავის არ დაუშლია არავისთვის შესაბამისი ხმები მოეპოვებინა თუნდაც საპარლამენტო არჩევნებში. ჩემი მოსაზრება და ზოგადად, ხალხის განწყობაც ასეთია, რომ ნიკა მელია აუცილებლად უნდა ყოფილიყო ერთიანი კანდიდატი. არ არსებობს ფორმულა, რომელიც ბიძინა ივანიშვილს დაამარცხებს „ნაციონალური მოძრაობის“ და ჩვენი მხარდამჭერების გარეშე“, - განაცხადა ხატია დეკანოიძემ.

შეგახსენებთ, რომ „სტრატეგია აღმაშენებელის“ ლიდერმა, გიორგი ვაშაძემ დღეს განაცხადა, რომ „მარცხის ფორმულაა“ თუ ოპოზიციიდან ყველა პარტია თბილისის მერობის კანდიდატად მხარს ნიკა მელიას დაუჭერს.

ავტორი: ექსპრესნიუსი,

სოციალური ქსელები

მადიარი ზელენსკისთან შეხვედრაზე - შეთანხმება მიღწეულია ურთიერთობების ახალ საფუძველზე გადასვლის შესახებ

ლე პენი მზადაა უკრაინაში გაემგზავროს ზელენსკისთან ფინანსური დახმარების საკითხზე დებატებზე

30, 31 ოქტომბერი და 1 ნოემბერი - საქართველოს ბანკის მხარდაჭერით, თბილისის წიგნის დღეები გაიმართება

City Mall-ის დაბადების დღეზე საქართველოს ბანკის მომხმარებლები ნაწილ-ნაწილ გადახდით პირველად სარგებლობისას ქეშბექს მიიღებენ