„ქართულ ოცნებაში“ მიმდინარეობს შეუქცევადი რღვევის პროცესი, მთელი სახელისუფლებო ვერტიკალი ჩამოიშალა, - ასე აფასებს „ნაციონალური მოძრაობის“ ერთ-ერთი ლიდერი, ზაალ უდუმაშვილი პარლამენტის თავმჯდომარის თანამდებობიდან არჩილ თალაკვაძის გადადგომას.

მისი თქმით, არგუმენტები, რომელიც თალაკვაძემ თანამდებობის დატოვების მიზეზად დაასახელა, სრულიად გაუგებარია.

„არგუმენტები, რაც არჩილ თალაკვაძემ მოიყვანა, სრულიად გაუგებარია. რა უნდა თქვას, ფაქტია, რომ „ქართულ ოცნებაში“ შეუქცევადი რღვევის პროცესი მიმდინარეობს. ფაქტიურად ჩამოიშალა მთელი სახელისუფლებო ვერტიკალი. ეს ნიშნავს იმას, რომ ქვეყანაში უმწვავესი პოლიტიკური კრიზისია“, - განაცხადა ზაალ უდუმაშვილმა.

ცნობისთვის, არჩილ თალაკვაძემ პარლამენტის თავმჯდომარის თანამდებობა დატოვა და პოლიტიკურ საქმინობას საკანონმდებლო ორგანოს ვიცე-სპიკერის პოზიციაზე განაგრძობს. რაც შეეხება პარლამენტის თავმჯდომარის თანამდებობას, „ქართულმა ოცნებამ“ აღნიშნულ პოზიციაზე კახა კუჭავას კანდიდატურა დაასახელა.

ავტორი: ექსპრესნიუსი,

სოციალური ქსელები

ნაციონალური მოძრაობა საკონსტიტუციო სასამართლოს სხდომებს დაესწრება

კობახიძე - საქართველო კვლავაც ინარჩუნებს ეკონომიკური განვითარების მაღალ ტემპს

დევნილთა ფულადი კომპენსაციით უზრუნველყოფის პროგრამაში ჩართვის მსურველთათვის განაცხადების მიღება 19 ოქტომბრიდან იწყება

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია