ევროკავშირის ელჩი საქართველოში კარლ ჰარცელი აცხადებს, რომ შარლ მიშელმა „ქართულ ოცნებას“ და ოპოზიციას ახალი წინადადებით მიმართა.

მისივე თქმით, ახალი წინადადების გასაცნობად პარტიებმა კონსულტაციებისთვის დრო ითხოვეს.

„მოგესალმებით, ბოდიშს გიხდით, რომ ამდენ ხანს გალოდინეთ და ეს უკვე დიდი ხანია გრძელდება. დღეს დღის პირველ ნახევარში, ჩვენ გავავრცელეთ ერთობლივი განცხადება, აშშ-ს სახელმწიფო დეპარტამენტისა და ევროკავშირის წარმომადგენლობის, რომელიც ხაზს უსვამდა თუ რამდენად მნიშნელოვნად მიიჩნევს აშშ და ევროკავშირი შექმნილ ვითარებას.

ეს განცხადება აღნიშნავდა ასევე, რომ პრეზიდენტი მიშელი აპირებდა ახალი წინადადების მიცემას პარტიებისთვის.

და ეს უკვე მოხდა დღეს, შეთანხმების ტექსტი უკვე გამოქვეყნებულია. შეთავაზება არის წინადადება, რომელსაც პრეზიდენტი შარლ მიშელი დაბალანსებულად თვლის. და ეს შეთანხმების ტექსტი გადაცემული იყო ყველა პარტიისთვის. სანამ მოხდებოდა ეს შეხვედრა რამდენიმე პარტიამ ითხოვა დრო კონსულტაციისთვის და ჩვენ ეს მხედველობაში მივიღეთ, დღევანდელი შეხვედრა შედარებით მოკლე იყო.

ჩვენ ველოდებით, როდის დაბრუნდებიან პარტიები, რათა თავისი გადაწყვეტილებები გვამცნონ და საქართველოში შექმნილ კრიზისს ჰქონდეს დასასრული. და როდესაც სხვა პარტიის წარმომადგენლებიც გამოვლენ მათ  კომენტარებსაც მოისმენთ“, - აცხადებს კარლ ჰარცელი.

ავტორი: ექსპრესნიუსი,

სოციალური ქსელები

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია

ირანი ჰორმუზის სრუტეში გადაადგილების შეზღუდვას გააგრძელებს, თუ ქვეყნის უფლებები დაცული არ იქნება

Eurasianet: აზერბაიჯანი და თურქეთი სკოლებში ჰიჯაბის აკრძალვის გამო ერთმანეთს დაუპირისპირდნენ

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა