არ შეიძლება სუბიექტური მიდგომით იღებდე გადაწყვეტილებას, თუ რომელ გუნდში იქნები, - ამის შესახებ პარლამენტის იურიდულ საკითხთა კომიტეტის თავმჯდომარემ, ანრი ოხანაშვილმა განაცხადა, რითაც გამოეხმაურა გიორგი გახარიას გუნდის მიერ „ქართული ოცნების“ დატოვების საკითხს.

როგორც მან აღნიშნა, რაც არ უნდა მოხდეს „ქართული ოცნების“ გუნდი არის მტკიცე და ექნება ყველა იმ მნიშვნელოვანი გადაწყვეტილების მიღების სრული შესაძლებლობა, რომელიც რაიმე სახის კრიზისს გამორიცხავს.

„პოლიტიკაში საქმიანობა უნდა ეფუძნებოდეს რამდენიმე ძირითად პრინციპს. ეს არის სიმტკიცე, გუნდის ერთგულება და საკითხებისადმი სახელმწიფოებრივი მიდგომა. აქედან გამომდინარე, აქ არ უნდა იყოს ადგილი პირადი ინტერესებისთვის და არ შეიძლება სუბიექტური მიდგომით იღებდე გადაწყვეტილებას, თუ რომელ გუნდში იქნები. რა თქმა უნდა, მე არ ვიზიარებ იმ პოზიციას, რაც გაჟღერდა.

კანონმდებლობის შესაბამისად და რეგლამენტის თანახმად არ აქვთ უფლება ამ ადამიანებს, რომ შექმნან ფრაქცია, თუმცა ვინ როგორ იქნება აქტიური და როგორ ჩაერთვება როგორც დამოუკიდებელი დეპუტატი ამ პროცესში, ამას პროცესი გვიჩვენებს. არ ვიცი რა გუნდით და პლატფორმით წარსდგება გიორგი გახარია საზოგადოების წინაშე და როდის წარსდგება, უნდა დაველოდოთ. რაც არ უნდა მოხდეს „ქართული ოცნების“ გუნდი არის მტკიცე და მას ექნება ყველა იმ მნიშვნელოვანი გადაწყვეტილების მიღების სრული შესაძლებლობა და ექნება სრული უმრავლესობა, რაც გამორიცხავს რაიმე სახის კრიზისს და იმას, რომ „ქართულმა ოცნებამ“ ვერ შეძლოს საზოგადოების ინტერესების გატარება“, - განაცხადა ანრი ოხანაშვილმა.

ცნობისთვის, „ქართული ოცნების“ ექვსმა დეპუტატმა პარტია დატოვა და პოლიტიკურ საქმიანობას ყოფილი პრემიერის, გიორგი გახარიას გუნდში გააგრძელებენ.

ავტორი: ექსპრესნიუსი,

სოციალური ქსელები

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა

სოციალური სამართლიანობის ცენტრი - დევნილებისთვის ფულადი კომპენსაციის პროგრამა უსახლკარობის რისკებს შექმნის

Reuters- უკრაინაში Starshield-ის გამოყენების შეზღუდვის ბრძანება თეთრი სახლიდან გაიცა

უკრაინა რუსეთის აეროპორტებზე თავდასხმების მკვეთრ ზრდას ამზადებს