2021-04-05 16:12:16, 629 ნახვა
რეგიონი
ქუთაისის მერიაში ხმაურია - დაკავებულია ჟურნალისტი
ქუთაისის მუნიციპალიტეტის მერიაში რამდენიმე წუთის წინ ხმაური და დაპირისპირება იყო.
ერთ-ერთი რეგიონალური რედაქციის რედაქტორი, ბუბა ჩივაძე ქუთაისის მერთან შეხვედრას ითხოვდა, რის შემდეგაც მან მერიის შენობაში შიმშილობა გამოაცხადა.
როგორც ჟურნალისტი აცხადებს, მას ქუთაისი მერი, იოსებ ხახალეიშვილი პროფესიური მოვალეობის შესრულების უფლებას არ აძლევს და მისი ბრძანებით მერიის დაცვის თანამშრომლებმა მასზე იძალადეს.
ადგილზე მალევე მოვიდა პოლიციის თანამშრომლები, მათ ჟურნალისტს მერიის შენობის დატოვება მოსთხოვეს, თუმცა ბუბა ჩივაძემ უარი განაცხადა.
სამართალდამცავებმა ჟურნალისტი ძალის გამოყენებით გაიყვანეს შენობიდან, რა დროსაც ჩივაძე შეუძლოდ გახდა და გონება დაკარგა, თუმცა ის პოლიციის მანქანაში ჩასვეს და განყოფილებაში გადაიყვანეს.
ავტორი: ექსპრესნიუსი,
epn.ge (@expressnews.ge)
