2021-04-02 19:28:01, 656 ნახვა
პოლიტიკა
„ქართული ოცნება“ თვითმმართველობის არჩევნებისთვის რეგიონებში კამპანიას იწყებს
„ქართული ოცნების“ ლიდერმა, მამუკა მდინარაძემ ჟურნალისტებთან განაცხადა, რომ მმართველი გუნდი თვითმმართველობის არჩევნებისთვის რეგიონებში წინასაარჩევნო კამპანიას იწყებს.
მან ასევე აღნიშნა, რომ მომდევნო ორი თვის მანძილზე მმართველი გუნდის ლიდერები ყველა რეგიონში გამართავენ შეხვედრას.
„უმრავლესობის სხდომა შეეხებოდა მიმდინარე პოლიტიკურ პროცესებს და მიმდინარე ვითარებას, მმართველი პარტიის წარმომადგენლებმა გადაწვყიტეთ გავიდეთ რეგიონებში და შეიძლება ითქვას თვითმართველობის არჩევნების კამპანიის დაწყებაც დავარქვათ.
მაგრამ პრიორიტეტული იქნება პრიორიტეტული, რეგიონალური გამოწვევები და მომდოვნო ორი თვის განმავლობაში თითქმის ყველა რეგიონში გვექნება შეხვედრები“, - განაცხადა მამუკა მდინარაძემ.
ავტორი: ექსპრესნიუსი,
epn.ge (@expressnews.ge)
