ვიოლა ფონ კრამონი - იმედგაცრუებას იწვევს, რომ პოლიტიკურ ელიტას არეულობის დასრულება არ სურს

2021-04-02 10:29:34, 810 ნახვა

პოლიტიკა

ევროპარლამენტარი ვიოლა ფონ კრამონი საქართველოში არსებულ პოლიტიკურ კრიზისს „ტვიტერზე“ განცხადებით ეხმაურება.

როგორც ფონ კრამონი აღნიშნავს, იმედგაცრუებას იწვევს ევროპარლამენტში იმის ხილვა, რომ პოლიტიკურ ელიტას არ სურს არეულობის დასრულება.

მისივე თქმით, საქართველოს მოქალაქეები იმსახურებენ აღნიშნული კრიზისიდან გამოსავალს, რაც შეიძლება მალე.

„ეს არის მკაფიო განცხადება საქართველოში არსებული პოლიტიკური კრიზისის შესახებ. ძალიან დიდ იმედგაცრუებას იწვევს ყველა ჩვენგანისთვის, საქართველოს მეგობრებითვის, ევროპარლამენტში იმის ხილვა, რომ პოლიტიკური ელიტას არეულობის დასრულება არ სურს. საქართველოს მოქალაქეები იმსახურებენ გამოსავალს, რაც შეიძლება მალე“, - წერს ვიოლა ფონ კრამონი.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან