2021-04-01 15:20:39, 794 ნახვა
პოლიტიკა
სირცხვილია - ჟიგიმანტას პავილიონისი მამუკა მდინარაძის განცხადებას ეხმაურება
ლიეტუვის საგარეო ურთიერთობათა კომიტეტის სეიმის წევრი, ჟიგიმანტას პავილიონისი უმრავლესობის ლიდერის, მამუკა მდინარაძის განცხადებას ეხმაურება, სადაც მან აღნიშნა, რომ პავილიონისმა საქართველოს ოკუპირებულ ტერიტორიებთან დაკავშირებით იგივე განცხადება გააკეთა, როგორიც რუსმა ჟურნალისტმა, ვლადიმერ პოზნერმა.
როგორც ჟიგიმანტას პავილიონისი წერს, ეს სირცხვილია და აღნიშნავს, რომ ის ყოველდღიურად ებრძვის რუსეთის აგრესიას მთელ რეგიონში.
„სირცხვილია. რუსეთ-საქართველოს ომის დროს მე ვიყავი საგარეო საქმეთა მინისტრის მოადგილე, რომელიც პასუხისმგებელი იყო საქართველოს დახმარებაზე, რათა ქართველები შემაშფოთებელ აგრესიას გამკლავებოდნენ. ამ რთულ პერიოდში და მას შემდეგ, მე ყოველდღე ვებრძვი რუსეთის აგრესიას მთელ რეგიონში“, - წერს ჟიგიმანტას პავილიონისი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
