ვინც არ მოაწერს შეთანხმებას ხელს, ესეიგი არ უყვარს და სძულს ქვეყანა, - ამის შესახებ „მოქალაქეების“ ლიდერმა, ალეკო ელისაშვილმა ევროპული საბჭოს პრეზიდენტთან, კრისტიან დანიელსონთან შეხვედრამდე, ჟურნალისტებს განუცხადა.

როგორც ალეკო ელისაშვილმა აღნიშნა, მოლაპარაკების პროცესში პასუხისმგებლობა, როგორც მმართველ გუნდს, ასევე ხელისუფლებას ეკისრება.

„ეს კრიზისი უკვე იწილო- ბიწილოს და ბასტი -ბუბუს დაემსგავსა, სადაც გაჯიუტებული ბავშვები თავისას არ თმობენ. ორივე მხარეს ეკისრება პასუხისმგებლობა, რომ ეს კრიზისი ან ასე გადაწყდე, ან ისე. უხერხულია უბრალოდ ქვეყნის წინაშე და მეგობრების წინაშე, რაც მთავარია ხალხის წინაშეა სირცხვილი, რომ აქვთ რეალური პრობლემები და ამ დროს, ნახევარი წელია მიდის ეს გაუთავებელი რაღაც. ჩამოვიდა ეს კაცი, კიდევ ერთხელ უნდა დაგვსვას და გვითხრას, იქნებ ხელი მოაწეროთ შეთანხმებას. დანიელსონს კი არ სჭირდება ეს შეთანხმება, ხალხს სჭირდება, ამიტომ ყველამ კეთილი უნდა ინებოს და ცოტა დათმოს.

არ ვიცი ან „ქართული ოცნება“ რაზე წამოვა, ან ოპოზიცია რას დათმობს. გუშინ ძალიან მკაფიოდ თქვა დანიელსონმა, რომ მთავარია საარჩევნო სისტემის და მართლმსაჯულების რეფორმა, ეს არის ყველაზე მთავარი, ხალხიც ამას ამბობს და დავასრულოთ, დღეს ვისურვებდი, რომ იქიდან ორივე მხარე გამოვიდეს. ვინც არ მოაწერს შეთანხმებას, იმას ესეიგი არ უყვარს და სძულს ეს ქვეყანა“, - განაცხადა ალეკო ელისაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს