თუ საარჩევნო ბარიერზე არ იქნება საუბარი, ვიფიქრებ, მოვაწერო თუ არა საერთოდ ხელი დოკუმენტს, - ამის შესახებ „გირჩი - მეტი თავისუფლების“ ლიდერმა, ზურაბ ჯაფარიძემ კრისტიან დანიელსონის მედიაციით, ხელისუფლებასა და ოპოზიციას შორის გასამართ შეხვედრამდე, ჟურნალისტებს განუცხადა.

როგორც ზურაბ ჯაფარიძე აღნიშნავს, მნიშვნელოვანია, შეხვედრაზე იყო საუბარი პოლიტიკური პატიმრების გათავისუფლებაზე და ხელახალ არჩევნებთან მისასვლელ გზებზე.

მანვე დასძინა, რომ აღნიშნული საკითხებზე შეთანხმების მიღწევის შემთხვევაში, ოპოზიცია კრისტიან დანიელსონის მიწერ წარდგენილ დოკუმენტს, ხელს მოაწერს.

„არ მაქვს საფუძველი, რომ განსაკუთრებულად ოპტიმისტურად შევდიოდე და არც იმის საფუძველი, რომ ვთქვა, რომ არაფერი არ გამოვა. უფრო სკეპტიკურად ვარ განწყობილი, მაგრამ დღეს არის განსხვავებული დღე, ყველა სხვა მოლაპარაკების დღესთან შედარებით, იმით, რომ მედიატორი პირველად დადებს საკუთარ წინადადებას. ან დავთანხმდებით ამ წინადადებებს, ან არა, გააჩნია რა იქნება.

ვნახოთ რა პუნქტები დაიდება, თუ იქ იქნება პოლიტპატიმრების გათავისუფლების საკითხი, მისასვლელი გზა არჩევნებამდე, ასევე ჩემთვის მნიშვნელოვანი რაც არის, საარჩევნო სისტემის ცვლილება, ბარიერის დაბლა დაწევა, მაშინ მგონია, რომ ოპოზიცია დათანხმდება ამას. სხვა შემთხვევაში, რა პოზიციაც ჰქონდა ოპოზიციას, იგივე აქვს ახლაც.

„წითელი ხაზი“ რომ არ არსებობდეს, მოლაპარაკებებს აზრი არ ექნებოდა, „წითელი ხაზი“ არის პოლიტპატიმრების გათავისუფლება და ხელახალი არჩევნები, მაქამდე მისასვლელი გზა, პლებისციტი იყო შეთავაზებული ოპოზიციის მხრიდან. ჩემთვის მნიშვნელოვანია იყო საარჩევნო ბარიერის დაწევა, რამდენად იქნება ეს „წითელი ხაზი“ არ ვიცი, მაგრამ მინიმუმ ჩემთვის საფიქრალი იქნება, თუ ბარიერზე არ იქნება საერთოდ საუბარი, ვიფიქრებ, ხელი მოვაწერო თუ არა“, - განაცხადა ზურაბ ჯაფარიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს