კარგი იქნება, რაღაც ეტაპზე, მოლაპარაკების შესახებ გარკვეული საკითხები გასაჯაროვდეს, - ამის შესახებ სახალხო დამცველმა, ნინო ლომჯარიამ ხელისუფლებასა და ოპოზიციას შორის მიმდინარე მოლაპარაკებებზე განაცხადა.

როგორც მან აღნიშნა, თუ რომელიმე მხარე არ გადადგამს კომპრომისულ ნაბიჯს, საზოგადოებას ექნება ლეგიტიმური უფლება, იცოდეს, ვინ იყო ეს პარტია.

„ველოდები, რომ შეთანხმება მიღწეული უნდა იქნას. თუ რომელიმე მხარე ქვეყნისთვის არსებითად მნიშვნელოვან საკითხებთან დაკავშირებით არ განაცხადებს მზაობას, გადადგას ნაბიჯები, პირველ რიგში კი ხელისუფლება, რადგან ამ საკითხების განხორციელება და რეალიზება ხელისუფლების ვალდებულებას ისედაც წარმოადგენს, ამ შემთხვევაში საზოგადოებას ძალიან ლეგიტიმური უფლება ექნება, იცოდეს, ვინ იყო ეს პოლიტიკური პარტია. რაღაც ეტაპზე კარგი და სწორი იქნება, გარკვეული საკითხები მოლაპარაკების შესახებ გასაჯაროვდეს და საზოგადოებამ შეაფასოს ვინ არის მტყუან-მართალი და რა იყო მოლაპარაკებების მაგიდაზე რეალურად. ძალიან ბევრი პოლიტიკური სპეკულაცია ხდება, ვფიქრობ, რომ საზოგადოებას შეთანხმება უნდა“, - განაცხადა ნინო ლომჯარიამ.

შეგახსენებთ, რომ ევროპული საბჭოს პრეზიდენტის პირადი წარმომადგენლის, კრისტიან დანიელსონის მედიაციით ხელისუფლებასა და ოპოზიციას შორის შეხვედრები დღეს განახლდება.

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს