ამერიკელებმა ჩვენს ოპოზიციას უთხრეს, რომ მათი პარლამენტში არშესვლა, პირდაპირ ასხამს რუსულ წისქვილზე წყალს, - ასე გამოეხმაურა კულტურის, სპორტისა და ახალგაზრდობის მინისტრი თეა წულუკიანი აშშ-ის სენატში გაკეთებულ განცხადებებს.

მანვე აღნიშნა, რომ ამერიკულმა პოლიტიკურმა სპექტრმა თქვა, რომ ნიკა მელია ციხეში კანონის დარღვევის გამო ზის.

„ამერიკულმა პოლიტიკურმა სპექტრმა ჩვენს ოპოზიციას უთხრა ის, რაც არის ჩვენი დემოკრატიული პროცესისთვის მნიშვნელოვანი, რომ ოპოზიცია პარლამენტში უნდა შევიდეს. დიდი იმედი მაქვს, რომ ქართული ოპოზიცია ამას სწორედ ასე გააკეთებს, რადგან როგორც ამერიკელებმა ჩვენს ოპოზიციას უთხრეს, მათი პარლამენტში არშესვლა პირდაპირ ასხამს რუსულ წისქვილზე წყალს.

მე მინდა ოპოზიციის ზოგიერთ წარმომადგენელს შევახსენო, რომ ჩვენ ვართ ოკუპირებულ ქვეყანაში. ამიტომ, პირველ რიგში, გვევალება, ვიზრუნოთ სწორედ ჩვენს ქვეყანაზე და არ ვიყოთ უნებლიეთ რუსული ინტერესების გამტარებელი, რადგან ოპოზიციის ფუნქცია არ არის ქვეყანაში არეულობის გამოწვევის მცდელობა და ამით რუსულ წისქვილზე წყლის დასხმა. და ბოლოს, ამერიკულმა პოლიტიკურმა სპექტრმა თქვა, რომ ვინაიდან კანონი დაარღვია, ნიკა მელია ამიტომ ზის ციხეში“, - განაცხადა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს