2021-03-16 18:05:38, 446 ნახვა
პოლიტიკა
გია ვოლსკის განცხადებით, კულტურის მინისტრად თეა წულუკიანის კანდიდატურა განიხილება
საქართველოს პარლამენტის პირველი ვიცე-სპიკერი გია ვოლსკი აცხადებს, რომ კულტურის მინისტრად თეა წულუკიანის კანდიდატურა განიხილება
როგორც გია ვოლსკიმ აღნიშნა, კულტურის სამინისტრომ უნდა მისცეს სხვა გაქანება და ხარისხობრივი დონე კულტურის სფეროს.
„კულტურის სამინისტრომ უნდა კულტურის პოლიტიკას გაუწიოს კოორდინაცია და რაც შეიძლება მეტი დახმარება აღმოუჩინოს კულტურის სფეროს, კულტურის დიპლომატიას სხვა გაქნება და სხვა ხარისხობრივი დონე უნდა მისცეს.
არ არის დასამალი, რომ საუბარია, საკმაოდ ინტენსიური, სხვა აზრი არ მომისმენია ყოველშემთხვევაში, რომ თეა წულუკიანის კანდიდატურა განიხილება“, - განაცხადა გია ვოლსკიმ.
შეგახსენებთ, რომ პარლამენტმა დღეს კულტურის, სპორტისა და ახალგაზრდობის სამინისტროს ცალკე უწყებად ჩამოყალიბებას მხარი დაუჭირა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
