კოვიდინფექცია არსად გამქრალა და არის რისკი, რომ ქვეყანაში ეპიდსიტუაცია გაუარესდეს, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ NCDC-ში გამართულ ბრიფინგზე განაცხადა.

მისი თქმით, ყველა ე.წ ეპიდემიოლოგიური ინდიკატორი მიდის შედარებით დამშვიდებისკენ, თუმცა ეს არ იძლევა დამშვიდების საფუძველს.

„ბოლო ერთი თვის განმავლობაში ჩვენ გვაქვს გარკვეულად ტენდენცია სერიოზული სტაბილიზაციის, რაც გამოიხატება როგორც ახალი შემთხვევების, ასევე სიკვდილიანობის კლებაში, ასევე დადებითობის მაჩვენებლის კლებაში, ანუ ყველა ე.წ ეპიდემიოლოგიური ინდიკატორი მიდის შედარებით დამშვიდებისკენ, მაგრამ ეს არავითარ საფუძველს დამშვიდებისა არ გვაძლევს, რამუთუ ბოლო 2-3 კვირის განმავლობაში ინციდენტობი მაჩვენებელი, რომელიც მერყეობს 1-2%-ს შორის, დღეს ისევ გარკვეულად, ასე ვთქვათ „მოიქნია კუდი“ და 1.8-ზე ავიდა, როდესაც ახალ შემთხვევათა რაოდენობამ 500-ს გადააჭარბა - უკვე ბოლო 2 კვირის განმავლობაში ჩვენ ახალი შემთხვევები, ძალიან მაღალი ტესტირების ფონზე, დღეს სამწუხაროდ ისევ საკმაოდ მაღალ 29 600 ტესტის ჩატარების ფონზე, გვაქვს 537 ახალი შემთხვევა, რაც მანიშნებელია, რომ ინფექცია არსად გამქრალა და არის რისკი, რომ ეპიდსიტუაცია ქვეყანაში გაუარესდეს, მითუმეტეს მოხდა ეტაპობრივად შეზღუდვების შემსუბუქება, რომელაც შესაძლოა გამოიწვიოს ეს ყველაფერი“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა