რა გაცინებთ?! თქვენ ადგილას რომ ვიყო, დილიდან-საღამომდე ვიტირებდი, - ასე მიმართა „ქართული ოცნების“ დეპუტატმა თეა წულუკიანმა, პარლამენტის პლენარულ სხდომზე „მოქალაქეების“ ლიდერს, ალეკო ელისაშვილს.

თეა წულუკაინი ალეკო ელისაშვილის განცხადებას გამოეხმაურა, რომელიც ბათუმის ბულვარში მაღალსართულიანი კორპუსების მშენებლობას ეწინააღმდეგება და განაცხადა, რომ აღნიშნული საკითხი მისთვისაც მიუღებელია.

თეა წულუკიანმა დასძინა, რომ ალეკო ელისაშვილმა თორნიკე რიჟვაძე მექრთამეობაში დაადანაშაულა, რაზეც იმედი გამოთქვა, რომ თორნიკე რიჟვაძე მოძებნის დროს, პარტია „მოქალაქეების" ლიდერის წინააღმდეგ სარჩელი შეიტანოს.

„რა გაცინებთ?! თქვენ ადგილას რომ ვიყო ვიტირებდი დილიდან-საღამომდე, რა თავს აქიცინებთ?! თქვენ ხართ ჩვეულებრივი ფარისეველი, რომელიც წუხს ახლა ვითომ ბათუმის ბულვარზე და კულტურულ მემკვიდრეობაზე, ერთადერთი კაცი წევრი, ჩემს კომიტეტში, რომელიც წინააღმდეგ წავიდა იმისა, რომ კულტურას, ქართულ კულტურას ჰყოლოდა თავისი სამინისტრო. ხართ ერთადერთი, ვინც ამის წინააღმდეგ წახვედით, ხართ ის კაცი, რომელიც თქვენზე ბევრად უფროს კაცებსს და ქალებს მუთაქებს ეძახის, ეს არ არის კულტურის მომხრეობა, ეს არის უკულტურობა, შესაბამისად ენა იმისთვის არ მიუცია ადამიანისთვის ღმერთს, რომ ყველაფერი ილაპარაკოს, შესაბამისად მჯერა, რომ ბატონი რიჟვაძე მოძებნის დროს, რომ თქვენს წინააღმდეგ სარჩეილი შეიტანოს, იმიტომ რომ თქვენ ქრთამის აღებაში დააადანაშაულეთ, თუ აღმოჩნდება, რომ თქვენ ამის მტკიცებულებები არ გაქვთ, შემდეგ მოგიწევთ ამის უარყოფა, ეს მინდოდა მეთქვა, თუმცა ბათუმის ბულვარში ის რამდენიმე სართულიც კი, მიუღებელია ჩემთვის“, - განაცხადა თეა წულუკიანმა.

შეგახსენებთ, რომ პარლამენტის პლენარულ სხდომაზე ალეკო ელისაშვილმა პარლამენტის თავმჯდომარეს, არჩილ თალაკვაძეს ბათუმში 19-სართულიანი კორპუსების მშენებლობასთან დაკავშირებით თხოვნით მიმართა. „თორნიკე რიჟვაძეს თუ მისცემ ქრთამს, დაიდგამს თავზე კორპუს და ისე ივლის, ნამუსი არ შეაწუხებს", - განაცხადა ალეკო ელისაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს