2021-03-13 12:17:51, 567 ნახვა
პოლიტიკა
გიორგი ვაშაძე - ხვალ გვეცოდინება, „ქართულ ოცნებას“ მოლაპარაკებები უნდა, თუ მოლაპარაკებობანას თამაში
„ხვალ საღამოს გვეცოდინება, „ქართულ ოცნებას“ მოლაპარაკებები უნდა, თუ მოლაპარაკებობანას თამაში“, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.
ვაშაძეს არ აქვს იმის ილუზია, რომ „ქართული ოცნება“ ოპოზიციასთან შეხვედრაზე რაიმე კომპრომისით მივა.
„ალბათ, დღეს ან ხვალ გვექნება კიდევ ერთი ან ორი შეხვედრა და ალბათ ევროკავშირი თავის პოზიციასაც ჩამოაყალიბებს. წინასწარ არ შევიქმნი ილუზიებს, რომ „ქართული ოცნება“ რაღაც კომპრომისებით მოვა საერთო შეხვედრაზე. ერთი რამ შემიძლია ცალსახად ვთქვა, ხვალ საღამოს ჩვენ გვეცოდინება „ქართულ ოცნებას“ უნდა მოლაპარაკებები თუ მოლაპარაკებობანას თამაში“, - განაცხადა ვაშაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
