დროა პოლიტიკურმა მხარეებმა გამოიყენონ ყველა ძალა, რათა ამ ჩიხიდან გამოსავალი იპოვონ, კომპრომისის სახით, - ამის შესახებ ევროპული საბჭოს პრეზიდენტის, შარლ მიშელის სპეციალურმა წარმომადგენელმა, კრისტიან დანიელსონმა განაცხადა.

მისი თქმით, პოლიტიკური პარტიების საქმეა, რომ ელჩების დახმარებით თვითონ იპოვონ გამოსავალი, რათა არსებულ სიტუაციას გაუმკლავდნენ.

„ძალიან ბედნიერი ვარ, რომ ვარ საქართველოში, ეს არ არის ჩემი პირველი ვიზიტი საქართველოში, აქ რამდენჯერმე ვარ ნამყოფი, როგორც ევროკომისიი წარმომადგენელი სამეზობლო და გაფართოების საკითხებში. აქ ახლა ვარ, როგორც პრეზიდენტ შარლ მიშელის პირადი წარმომადგენელი, მისი ძალიან ნაყოფიერი ვიზიტის შემდეგ, რომელიც 10 დღის წინ გაიმართა საქართველოში. ახლა, ჩემი როგორც პირადი წარმომადგენლის როლია, რომ დავეხმარო იმ ძალიან მნიშვნელოვან პროცესს, რომელიც ქვეყანაში ამჟამად წარიმართება, ეს ეხება პოლიტიკურ დიალოგს, ეხება, რომ ყველა პოლიტიკური დიალოგის მონაწილე მხარეს შეეძლოს წინ წაწევა და პროგრესის მიღწევა ამ ძალიან მნიშვნელოვან საქმეში. როგორც აქამდე ფასილიტაციას უწევდნენ ამ პროცესს ელჩი ჰარცელი და დეგნანი, ჩვენ ამ პროცესს ვაგრძელებთ. ევროკავშირისთვის საქართველო ძალიან მნიშვნელოვანია და ევროკავშირი დიდ ყურადღებას უთმობს საქართველოს. აქ რაც ხდება ეს მნიშვნელოვანია ევროკავშირისთვის და არის ჩვენი მხრიდა ასეთი შეშფოთება, რომ ქვეყანა პოლიტიკურ ჩიხშია შესული და ძალიან ბევრი გამოწვევაა სამწუხაროდ, რომელიც ეხება პანდემიას, ეკონომიკურ მდგომარეობას. ჩვენ გვჯერა, რომ ახლა არის დრო პოლიტიკური მხარეებისთვის, დაინტერესებული მხარეებისთვის, რომ ყველა ძალა გამოიყენოონ, რომ ამ ჩიხიდან გამოსავალი იპოვონ, კომპრომისის სახით. მე მინდა ხაზგასმით აღვნიშნო, ჩემი როლი, ისევე როგორც ბატონი ჰარცელის და კელი დეგნანის როლი, არის ისევე მნიშვნელოვანი, რომ ხელი შევუწყოთ ამ პროცესს, დავეხმაროთ მათ. ეს არის პარტიების, მათი წარმომადგენლების უკვე საქმე, რომ მათ თვითონ იპოვონ ჩვენი დახმარებით ის გამოსავალი, იმისთვის, რომ გაუმკლავდნენ ამ სიტუაციას, გამოვიდნენ ამ მდგომარეობიდან და გაუმკლავდნენ ისეთ საკითხებს, როგორიც არის კორონავირუსი და ეკონომიკური მდგომარეობა და ეს არის ხედვა იმისკენ, რომ ჩვენ უფრო გავერთიანდეთ“, - განაცხადა კრისტიან დანიელსონმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ