თბილისის მერი კახა კალაძე მმართველი პარტიისა და ოპოზიციის წარმომადგენლების პოლიტიკურ მოლაპარაკებებს მიესალმება და აცხადებს, რომ აღნიშნული მიმართულებით, კონკრეტული ნაბიჯები უნდა გადაიდგას.

ამის შესახებ მან ევროპული საბჭოს პრეზიდენტის პირადი წარმომადგენლის, კრისტიან დანიელსონის საქართველოში ვიზიტისა და პოლიტიკურ მხარეებს შორის ევროკავშირის მედიაციის პროცესის შესახებ დასმული შეკითხვის საპასუხოდ განაცხადა.  

„ყოველთვის ვამბობდი და კიდევ ერთხელ გავიმეორებ, რომ მოლაპარაკებები, დიალოგი, საუბარი ნორმალურად, როგორც ეს ცივილიზებულ, განვითარებულ ქვეყნებში ხდება - მმართველი პარტია და ოპოზიცია ვსხდებით მოლაპარაკების მაგიდასთან, მხოლოდ და მხოლოდ მისასალმებელია, მაგრამ ეს არ უნდა იყოს მოლაპარაკებები მოლაპარაკებებისთვის. კონკრეტული ნაბიჯები უნდა გადაიდგას. მმართველმა პარტიამ არაერთხელ განაცხადა მზაობა იმისთვის, რომ გარკვეული შეთანხმებები მოხდეს. ეს ყველაფერი მისასალმებელია, მე ძალიან მომწონს. ჩვენი მხრიდან კომპრომისები არის, თუმცა არსებობს „წითელი ხაზები" და ამაზე საჯაროდაც გვისაუბრია", - განაცხადა კახა კალაძემ.

ევროპული საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი თბილისს დღეს ეწვია და საქართველოს პრეზიდენტსა და პრემიერ-მინისტრთან შეხვედრები უკვე გამართა.

კრისტიან დანიელსონის საქართველოში ვიზიტის მიზანი ყველა პარტიის ლიდერთან ერთად, პრეზიდენტ მიშელის მიერ პირველ მარტს ინიცირებულ, განახლებულ პოლიტიკურ დიალოგში ჩართვაა.  

ავტორი: NS (სტატია დაფინანსებულია),

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ