მოლაპარაკებები უახლოეს პერიოდში გაიმრთება - შედეგებს პირველივე რაუნდისას არ უნდა ველოდოთ, - ამის შესახებ საგარეო საქმეთა მინისტრმა, დავით ზალკალიანმა მთავრობის სხდომის დასრულების შემდეგ, ბრიფინგზე განაცხადა.

მისი თქმით, დიალოგს არ აქვს ალტერნატივა და აუცილებელია, ყველა პოლიტიკურ პარტიას შორის შედგეს კონსენსუსი, რათა პოლიტიკურმა პროცესმა პარლამენტში გადაინაცვლოს.

„მნიშვნელოვანია, რომ პროცესი დაიწყო შარლ მიშელის საქართველოში ვიზიტის დროს, როდესაც ის გამოვიდა ინიციატივით, რომ პირველი რაუნდი გამართულიყო პოლიტიკურ პარტიებს შორის, ამას შემდგომ მოჰყვა, რომ ევროპული საბჭოს პრეზიდენტმა მიიღო გადაწყვეტილება მისი წარმომადგენლის დანიშვნასთან დაკავშირებით, რომელიც უკვე მოვლინებულია საქართველოში. უახლოეს პერიოდში გაიმართება პოლიტიკურ პარტიებს შორის მოლაპარაკების პროცესი, ეს კომპლექსური პროცესია, ჩვენ არ უნდა ველოდოთ, რომ ის დაგროვილი თემატიკა, რომელიც დღის წესრიგშია, იქნება სრულად დაფარული და შედეგები მიღწეული პირველივე რაუნდის დროს, მაგრამ მნიშვნელოვანია, რომ ხელისუფლების მხრიდან არის პოლიტიკური ნება ამ პროცესში ჩართვის და კიდევ ერთხელ გაცხადებული, რომ დიალოგს ალტერნატივა არ აქვს, რადგანაც აუცილებელია იქნას მიღწეული კონსენსუსი, რადგანაც ქვეყანას აქვს უსერიოზულესი გამოწვევები რეგიონში უსაფრთხოების კუთხით, პანდემიასთან დაკავშირებული და ეკონომიკური თვალსაზრისით და ამიტომ აუცილებელია, რომ შედგეს კონსენსუსი ყველა პოლიტიურ ძალას შორის და პროცესები გადავიდეს პარლამენტში“, - განაცხადა დავით ზალკალიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ