2021-03-07 17:32:12, 604 ნახვა
საზოგადოება
საქართველოში ხვალიდან სარესტორნო ბიზნესი შიდა სივრცეებშიც გაიხსნება
საქართველოში ხვალიდან სარესტორნო ბიზნესი შიდა სივრცეებშიც გაიხსნება, თუმცა ცოცხალი მუსიკის შესრულება ისევ შეზღუდვად რჩება.
ამის შესახებ გადაწყვეტილება საკოორდინაციო საბჭომ მიიღო.
8 მარტიდან ქვეყანაში კორონავირუსთან დაკავშირებული კიდევ რამდენიმე შეზღუდვა იხსნება.
მათ შორის იხსნება: სამთო კურორტებზე არსებული საბაგიროები, ეპიდემიოლოგიური სტანდარტებისა და რეგულაციების სრული დაცვით; რესტორნები შიდა სივრცეებში ფუნქციონირებას განაახლებენ შაბათ-კვირის გარდა; არასასურსათო საცალო ვაჭრობა შაბათ-კვირის ჩათვლით, იგულისხმება როგორც სავაჭრო მოლები, ისე ბაზრობები, მუშაობას განაახლებენ.
ამასთან, ძალაში რჩება 21:00 საათიდან დილის 5:00 საათამდე გადაადგილებაზე დაწესებული შეზღუდვა.
ავტორი: ექსპრესნიუსი,
epn.ge (@expressnews.ge)
