ოკუპირებულ აფხაზეთში ვეტერანთა ორგანიზაცია „არუა“ დე ფაქტო მთავრობასა და საქართველოს ხელისუფლებას შორის მიმდინარე მოლაპარაკებებს აპროტესტებს. ამის შესახებ ინფორმაციას „ეხო კავკაზა“ ავრცელებს.

გამოცემის ცნობით, ოკუპირებული აფხაზეთის ოპოზიციამ მოუწოდა მათ მხარდამჭერებს, რომ დღეს, ადგილობრივი დროით 12:00 საათზე სოხუმის ცენტრში შეიკრიბონ და „ჩინოვნიკების მოგზაურობა საქართველოში და ვიდეო აფხაზეთის მტრების სადღეგრძელოთი“ გააპროტესტონ.

ცნობისთვის, ოკუპირებული აფხაზეთის სახალხო მოძრაობამ გაავრცელა განცხადება, რომელიც ეხება საქართველოში აფხაზეთის დე ფაქტო ლიდერის თანაშემწის ბენურ კვირაიას ვიზიტს ქვეყანაში და მის კომუნიკაციას ქართულ მხარესთან „პირდაპირი ეკონომიკური და სავაჭრო ურთიერთობების დამყარების შესახებ“.

ამასთანავე, გავრცელდა ვიდეო, სადაც ბენურ კვარაია ამბობს სადღეგრძელოს, რომელიც ოპოზიციამ შეაფასა, როგორც „გრძელი ტირაჟის წარმოთქმა ძმობასთან დაკავშირებით და ქართველი ხალხისთვის ისტორიის გაზიარება“.

ოპოზიცია მიიჩნევს, რომ ოკუპირებული აფხაზეთის დე ფაქტო ლიდერმა, ასლან ბჟანიამ „წითელი ხაზი გადაკვეთა“.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ

ხაბეიშვილი საკონსტიტუციო სასამართლოში ოპოზიციური პარტიების აკრძალვის პროცესზე დასწრებას მოითხოვს

ევროკავშირი უკრაინას Starlink-ის ალტერნატივას შესთავაზებს

Toyota Center Tegeta-ს ოფროუდტური - ახალი გამოცდილება 4X4 ავტომობილების მოყვარულებისთვის