თამარ გაბუნია - გუშინდელი გაუგებრობა ამოწურულია და „კოვაქსთან“ თანამშრომლობა, ჩვეულ რეჟიმში, გრძელდება

2021-03-02 12:27:26, 619 ნახვა

კომენტარი

გუშინდელი გაუგებრობა ამოწურულია და „კოვაქსთან“ თანამშრომლობა, ჩვეულ რეჟიმში, გრძელდება, - ამის შესახებ ჯანდაცვის მინისტრის მოადგილემ, თამარ გაბუნიამ მთავრობის ადმინისტრაციაში გამართულ ბრიფინგზე განცხადა.

მისივე თქმით, ყველა სახელმწიფოს აქვს უკმაყოფილების გამოთქმის უფლება გარკვეულ ასპექტებთან დაკავშირებით.

„რა თქმა უნდა, ყველა სახელმწიფოს, მათ შორის ჩვენც გვაქვს უფლება გამოვხატოთ ჩვენი უკმაყოფილება გარკვეულ ასპექტებთან დაკავშირებით, ეს კომუნიკაცია მოხდება „კოვაქსთან“ და მათ პარნიორებთანაც, ეს არის სამუშაო პროცესი და ვფიქრობთ, რომ გუშინდელი გაუგებრობა ამოწურულია და თანამშრომლობა გაგრძელდება ჩვეულ რეჟიმში“, - განაცხადა თამარ გაბუნიამ.

შეგახსენებთ, რომ გუშინ ჯანდაცვის მინისტრმა ეკატერინე ტიკარაძემ ტელეკომპანია რუსთავი 2-ის ეთერში განაცხდა, რომ არ არის გამორიცხული, საქართველომ „კოვაქს" პლატფორმას უჩივლოს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან