იუსტიციის სამინისტრო ინფრასტრუქტურული  პროექტების განხორციელებას აგრძელებს.  იუსტიციის მინისტრის მოადგილე სოსო გიორგაძემ ამჯერად კასპის მშენებარე საზოგადოებრივი ცენტრი მოინახულა და სამუშაოების მიმდინარეობას ადგილზე გაეცნო.

ქვეყანაში არსებული კოვიდპანდემიის  მიუხედავად, იუსტიციის სამინისტრო აგრძელებს ინფრასტრუქტურულ პროექტებზე მუშაობას.

საზოგადოებრივი ცენტრების პროექტის მთავარი იდეა სახელმწიფო და კერძო სერვისების მოქალაქემდე მიტანა და ადგილობრივი თვითმმართველობების გაძლიერებაა.

კასპის საზოგადოებრივი ცენტრი მეექვსე ფილიალი იქნება, რომელიც შიდა ქართლის რეგიონში გაიხსნება. აღსანიშნავია, რომ რეგიონში, კერძოდ – გომში, რუისში, მეჯვრისხევში, ტყვიავსა და ბერძენაულში – უკვე ფუნქციონირებს საზოგადოებრივი ცენტრები და ადგილობრივ მოსახლეობას 200-ზე მეტი სახელმწიფო თუ კერძო სექტორის მომსახურების მიღება ადგილიდან გაუსვლელად შეუძლია. ასევე, სამშენებლო  სამუშაოები მიმდინარეობს ხაშურში,  რაც იმას ნიშნავს, რომ  ყველგან – შიდა ქართლის რეგიონის ოთხივე რაიონში – ძველი საბჭოთა ინფრასტრუქტურა   ახლით ჩანაცვლდება.

კასპში საზოგადოებრივი ცენტრის მშენებლობას ტენდერით შერჩეული კომპანია შპს „სამშენებლო სამრეწველო გაერთიანება იმერეთი“ აწარმოებს.

ამჟამად საქართველოს სხვადასხვა რეგიონში სულ 85 საზოგადოებრივი ცენტრი  ფუნქციონირებს. საზოგადოებრივი ცენტრების ინფრასტრუქტურის შექმნასა და პროგრამულ უზრუნველყოფას იუსტიციის სამინისტროს მმართველობის სფეროში მოქმედი სსიპ „იუსტიციის სახლი“ უზრუნველყოფს.

ავტორი: NS (სტატია დაფინანსებულია),

სოციალური ქსელები

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა