„ერთიანი ნაციონალური მოძრაობის“ წევრის, ხატია დეკანოიძის განცხადებით 26 თებერვალს დაგეგმილ აქცია-მსვლელობაზე ოპოზიცია სამომავლო გეგმებს გააჟღერებს.

როგორც დეკანოიძემ „ნაციონალური მოძრაობის“ ოფისში, ოპოზიციური პარტიების შეხვედრის შემდეგ განაცხადა, ხვალინდელი აქცია-მსვლელობა იდეურად თავისულებისკენაა მიმართული.

„ეს არის მსვლელობა თავისუფლებისთვის, იდეურადაც მსვლელობა და აქცია თავისუფლებისთვის, იმ ძალიან მძიმე სიტუაციის გათვალისწინებით, რომელშიც დღეს იმყოფება ქვეყანა და იმ ძალიან დიდი საფრთხეების გათვალისწინებით, რომელიც ემუქრება ჩვენს ევროატლანტიკურ და დემოკრატიულ მომავალს. ეს იყო მთავარი საკითხები ოპოზიციის შეხვედრის და ასევე, მთავარი საკითხები იყო სამომავლო გეგმები, რომლებსაც ჩვენ ხვალ აქციაზე გავაჟღერებთ“, - განაცხადა ხატია დეკანოიძემ.

შეგახსენებთ, რომ ხვალ, 26 თებერვალს ოპოზიციამ დააანონსა აქცია, რომელიც ფილარმონიასთან დაიწყება. ოპოზიციური პარტიების წარმომადგენლები და მათი მხარდამჭერები ფილარმონიიდან მსვლელობით რუსთაველის გამზირისკენ, პარლამენტთან გადმოინაცვლებენ, შემდეგ კი, მთავრობის ადმინისტრაციასთან მივლენ. ოპოზიციის ძირითადი მოთხოვნაა პოლიტპატიმრების გათავისუფლება, ასვე ვადამდელი არჩევნების ჩანიშვნა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროკავშირი უკრაინას Starlink-ის ალტერნატივას შესთავაზებს

Toyota Center Tegeta-ს ოფროუდტური - ახალი გამოცდილება 4X4 ავტომობილების მოყვარულებისთვის

პენიტენციური სამსახური ამტკიცებს, რომ პატიმარი საწოლის მეორე სართულიდან გადმოვარდა, პირქვე დაეცა და გარდაიცვალა

სააკაშვილი- უნიათო დიქტატორი პარტიებს ვერ აკრძალავს