2021-02-17 14:26:05, 487 ნახვა
პოლიტიკა
კარლ ჰარცელი ნიკა მელიას საქმეზე - პოლიტიკური ტემპერატურა იზრდება, სიტუაცია ფეთქებადსაშიშია
„პოლიტიკური ტემპერატურა იზრდება, სიტუაცია ფეთქებადსაშიშია“, - ამის შესახებ ევროკავშირის ელჩმა საქართველოში, კარლ ჰარცელმა ნიკა მელიას საქმეზე კომენტირებისას განაცხადა.
ჰარცელი ფიქრობს, რომ ნიკა მელიას საქმის მიმდინარეობა ოპოზიციასა და მმართველ გუნდს შორის დიალოგს გაართულებს.
„ვიდრე სასამართლოს გადაწყვეტილება არ გახდება ცნობილი, საკითხზე კომენტირებისგან თავს შევიკავებ. მოვლენების მიმდინარეობისას იზრდება პოლიტიკური გარემოს ტემპერატურა. სიტუაცია ფეთქებადსაშიშია, ამიტომ ყველას მართებს წინდახედული ქმედებები. ქვეყნისთვის მთავარია ინსტიტუციების მუდმივი შენება. ვფიქრობ და ვშიშობ, რომ ნიკა მელიას საკითხის დიალოგთან დაბრუნება უფრო გართულდება“, - განაცხადა ჰარცელმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
