როდესაც კონფლიქტია უნდა იომო, ან უნდა ისაუბრო, ყველასთვის გასაგებია, რომ ომი არავის არ გვსურს, - ამის შესახებ ოკუპირებული აფხაზეთის ე.წ უშიშროების მდივანმა სერგეი შამბამ განაცხადა.

ე.წ უშიშროების მდივანი სერგეი შამბა საქართველოს დიალოგისკენ მოუწოდებს და აცხადებს, რომ ქვეყანას არ აქვს დიალოგის სურვილი აფხაზეთთან.

„უკვე თითქმის 30 წელი გავიდა ომიდან. ჩვენ მუდმივად ვერ ვიქნებით მტრულ დამოკიდებულებაში, ჩვენ ვართ მეზობელი ქვეყნები, უნდა ვისაუბროთ, უნდა გვქონდეს დიალოგი. საქართველოსთან დიალოგი უნდა მოდიოდეს ორმხრივ ფორმატში, თუმცა მათი მხრიდან არ არის ამის სურვილი.

მაგალითისთვის რომ ავიღოთ, გალში, ჟენევის ფორმატში იყო ენერგეტიკულ საკითხებთან დაკავშირებული დიალოგი. ჩვენ გვაქვს კითხვები, თუ რატომ არ არის ჩვენს შორის კომუნიკაცია. მაგალითად, როდესაც ჩვენ ამ საკითხზე ვსაუბრობთ, რუსეთმა უკვე გადაწყვიტა რკინიგზის საკითხი და ტვირთები გავა აზერბაიჯანის გავლის სომხეთში და შემდეგ თურქეთში, როცა შესძლებელი იყო, რომ ტვირთებს აფხაზეთიდან გაევლო. ამდენი წლის მანძილზეც შეიძლებოდა, რომ რკინიგზა ყოფილიყო. ამ თემას ყურადღებას არც საქართველო, არც აფხაზეთი არ აქცევს, სინამდვილეში კი, ეს კომუნიკაციისთვის არის გადასარევი საკითხი. როდესაც კონფლიქტია უნდა იომო, ან უნდა ისაუბრო. ყველასთვის გასაგებია, რომ ომი არავის არ გვსურს. ჩვენ ვამბობდით, მოდით ვისაუბროთ და გადაწყვეტოთ კანონის ფარგლებში აღნიშნული საკითხები“, - განაცხადა სერგეი შამბამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე