3%-იანი პარტიის უმანდატო ლიდერი რომ საზოგადოებას რევოლუციისკენ მოუწოდებს, სასაცილოა, - ასე ეხმაურება ფრაქცია ,,ქართული ოცნების" თავმჯდომარე მამუკა მდინარაძე ,,ევროპული საქართველოს" წევრის, გიგა ბოკერიას განცხადებას.

როგორც მან აღნიშნა, კორონავირუსთან ბრძოლის პირობებში მსგავსი განცხადებები საკუთარი ქვეყნის მიმართ ომის გამოცხადებას ნიშნავს.

,,3%-იანი პარტიის უმანდატო ლიდერი რევოლუციისკენ რომ მოუწოდებს საზოგადოებას და თან ვალდებულებას აკისრებს, როგორც მინიმუმ არის სასაცილო. მე მგონია, რომ იმ პირობებში, როდესაც პრაქტიკულად ომია ვირუსის წინააღმდეგ, მისგან გამოწვეული ეკონომიკური კრიზისის წინააღმდეგ, ამ დროს ასეთი განცხადებები არის ომის გამოცხადება საკუთარი ქვეყნის მიმართ და ეს არის დამაზიანებელი. თუმცა, მათ დიდად არაფრის თავი არ აქვთ. მათ აქვთ საშუალება, რომ დაუბრუნდნენ კონსრრუქციულობის რაიმე სახის ფარგლებს და მიიღონ გადაწყვეტილება სახელმწიფოებრიობის, პარლამენტარიზმის სასარგებლოდ. შემოვიდნენ პარლამენტში. ბოკერია ისედაც ვერ შემოდის, ჯერ თავისი პარტია ჩამოაქცია და ახლა ცდილობს, რომ ქვეყანა ჩამოაქციოს. არ გამოუვა, ამის გარანტიას ვაძლევ ყველას და განსაკუთრებით პირადად მას. სხვებს, ვისაც მისი ბულინგის დაქვემდებარება ესირცხვილებათ, შეგვიძლია მოვუწოდოთ კიდევ ერთხელ, რომ რეალობას ნუ მოწყდებიან, მოვიდნენ პარლამენტში და გააკეთონ საქმე", - განაცხადა მამუკა მდინარაძემ.

ცნობისთვის, ,,ევროპული საქართველოს" ერთ-ერთი ლიდერის, გიგა ბოკერიას განცხადებით, ყველა ადამიანი, რომლისთვისაც ავტორიტარიზმის ჭაობი არის კატასტროფა, ვალდებულია, ლეგიტიმურ რევოლუციაში მონაწილეობა მიიღოს.

ავტორი: ექსპრესნიუსი,

სოციალური ქსელები

პაპუაშვილი – ევროკავშირი და მისი საელჩო ძალადობის მხარდაჭერის ტესტში საკმარისზე მეტჯერ ჩაიჭრნენ

საფრანგეთში მომიტინგეებმა უსაფრთხოების ძალებს მოლოტოვის კოქტეილები ესროლეს - დაიჭრენ პოლიციელები - ვიდეო

გერმანიაში ახალგაზრდების მასობრივ საპროტესტო აქციებს არეულობა და ძარცვა მოჰყვა

The Economist - რუსეთმა უკრაინაში შესაძლოა 770 000 ადამიანი დაკარგა