2021-01-24 16:04:10, 690 ნახვა

---

ხატია დეკანოიძე - შეზღუდვები უნდა მოიხსნას და ჩემს თავზე ვიღებ პასუხისმგებლობას, რომ დღევანდელზე უარესი არაფერი მოხდება

შეზღუდვები უნდა მოიხსნას და ჩემს თავზე ვიღებ პასუხისმგებლობას, რომ დღევანდელზე უარესი არაფერი მოხდება, - ამის შესახებ მთავრობის ადმინისტრაციასთან გამათულ აქციაზე მისულმა „ენმ-ს“ წევრმა ხატია დეკანოიძემ განაცხადა.

მისივე განცხადებით, არასწორია, როდესაც საქართველოს და ისეთ ქვეყნებს ადარებენ ერთმანეთს როგორიცაა გერმანია, აშშ და ა.შ, რადგან იქ მოქალაქეებს კომპენსაციას უხდიან.

„ეს შეზღუდვები უნდა მოიხსნას, რათა ხალხი შიმშილით არ მოკვდეს.

ძალიან ამორალურია ჩემთვის, როდესაც საქართველოში ამ „ლოქდაუნს“ და კომენდანტის საათს, ასევე კიდევ რაღაც დრაკონულ კანონებს ადარებენ ხოლმე საფრანგეთს, გერმანიას და აშშ-ს, სადაც ადამიანებს დანაზოგი აქვთ და მათ კომპენსაცია უხდიან.

მე ვუერთდები ამ ადამიანების მოთხოვნას, უნდა გაიხსნას სამთო კურორტები, უნდა გაიხსნა სკოლები და უნდა გაიხსნას ბიზნესის ყველა სფერო აუცილებელი წესების დაცვით.

ყველა შეზღუდვა უნდა მოიხსნას და ყველაფერი უნდა გაიხსნას, ეს ნაწილობრივი შეამსუბუქებს მდგომარეობას და მე შემიძლია ვთქვა, ჩემ თავზე ვიღებ პასუხსმგებლობას, რომ არაფერი არ მოხდება იმაზე უარესი, რაც ახლა ხდება“, - აცხადებს ხატია დეკანოიძე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი