„ევროპული საქართველოს“ წევრის, სერგი კაპანაძის განცხადებით, „ქართული ოცნება“ ცდილობს შექმნას ილუზია, რომ ოპოზიცია პარლამენტში შედის.

როგორც მან აღნიშნა, ალეკო ელისაშვილისა და მისი კოლეგის პარლამენტში მისვლა, ოპოზიციისთვის არაფერს არ ცვლის.

„ „ქართული ოცნება“ რაღაც ილუზიის შექმნას ცდილობს, რომ თითქოს ოპოზიცია შედის პარლამენტში და ამ რაღაც ხელოვნური გაჭიანურებით ამყარებენ ამ ილუზიას. ფაქტია, რომ ოპოზიცია არ შედის პარლამენტში. ეს საკითხი არის დახურული. რაც შეეხება ბატონი ელისაშვილის და მისი კოლეგის მისვლას პარლამენტში, ეს ჩვენთვის არაფერს არ ცვლის“, - განაცხადა სერგი კაპანაძემ.

შეგახსენებთ, რომ პარტია „მოქალაქეების“ ლიდერმა ალეკო ელისაშვილმა ოპოზიციასთან მოლაპარაკებები შეწყვიტა და „ქართულ ოცნებასთან“ საჯაროდ შეხვედრა მოითხოვა. ამ წუთებში ელისაშვილი და მისი კოლეგა, ლევან იოსელიანი საკანონმდებლო ორგანოში მმართველი გუნდის ლიდერებს ხვდებიან.

ავტორი: ექსპრესნიუსი,

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა