იუსტიციის მინისტრმა, გოჩა ლორთქოფანიძემ განაცხადა, რომ სტრასბურგის სასამართლოს დადგენილებით, 2008 წლის ომის დროს რუსეთმა ქართველების ეთნიკური წმენდა განახორციელა.

როგორც მინისტრი აღნიშნავს, ევროპულმა სასამართლომ დაადგინა, რომ აფხაზეთი და ცხინვალი საქართველოს განუყოფელი ნაწილია და ოკუპირებულია რუსეთის მიერ.

„საქართველომ გაიმარჯვა 12 წლიან სახელმწიფოთაშორისო დავაში საქართველოს რუსეთის წინააღმდეგ“. სტრასბურგის სასამართლოს გადაწყვეტილებით, დადგინდა, რომ რუსეთმა 2008 წლის ომის პერიოდში განახორციელა და დაარღვია კონვენციის არაერთი მუხლი. ეს გადაწყვეტილება მიიღო 17 მოსამართლისგან შემდგარმა პალატამ, რომელიც არ საჩივრდება და დაადგინა, რომ რუსეთი ახორციელებდა ცხინვალისა და აფხაზეთის რეგიონზე კონტროლს და მას შეერაცხება პასუხისმგებლობა საქართველოს მოსახლეობის უფლების დარღვევისათვის.

სასამართლომ დაადასტურა საქართველოს მოთხოვნა, რომ ცხინვალისა და აფხაზეთის რეგიონები ეს არის საქართველოს განუყოფელი ნაწილი და ოკუპირებულია რუსეთის მიერ. ამასთან ერთად, რაც ძალზე მნიშვნელოვანია, სასამართლომ დაადგინა, რომ 2008 წლის ომის დროს რუსეთმა განახორციელა ქართველების ეთნიკური წმენდა“, - განაცხადა ლორთქიფანიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე