დღეს საქართველოს უახლოეს ისტორიაში ერთ-ერთი მნიშვნელოვანი დღეა. რამდენიმე საათში ადამიანის უფლებათა ევროპული სასამართლო მიიღებს საბოლოო გადაწყვეტილებას საქმეზე „საქართველოს რუსეთის წინააღმდეგ“, – ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.

მისივე თქმით, აღნიშნული გადაწყვეტილება იქნება საფუძველი ქვეყნის შემდგომი დაცვისთვის საერთაშორისო დონეზე და აღნიშნული უნდა გახდეს ახალი ეტაპი ქვეყნის დეოკუპაციისთვის ბრძოლაში.

„რამოდენიმე საათში ადამიანის უფლებათა ევროპული სასამართლო მიიღბს გადაწყვეტილებას საქმეზე „საქართველო რუსეთის წინააღმდეგ“, ეს გადაწყვეტილება იქნება შედეგი 12 წლიანი შრომის ჩვენი თანამოქალაქეების, იუსტიციის სამინისტროს თანამშრომლების და დარწმუნებული ვართ, რომ ეს იქნება სამართლიანი გადაწყვეტილება, გარდა იმისა, რომ ეს ახდენს კომპენსაციას დაზარალებული ჩვენი მოქალაქეებისთვის, ეს იქნება საფუძველი მათი ინტერესების შემდგომი დაცვისთვის საერთაშორისო დონეზე. ეს არის პირველი საერთაშორისო სასამართლოს დონეზე შეფასება საქმის 2008 წლის ომის. ეს გადაწყვეტილება გვაკისრებს დამატებით ვალდებულებებს და ჩვენ უახლოეს პერიოდში უნდა გადავდგათ კონკრეტული ნაბიჯები ქვეყნის დეოკუპაციის მიმართულებით და ამ ნაწილში გვაქვს კონკრეტული გეგმა, რომელსაც საზოგადოებას უახლოეს პერიოდში გავაცნობთ. დღეს პირველად მიეცემა საერთაშორისო სასამართლოს მიერ შეფასება 2008 წლის რუსეთ-საქართველოს ომს, ეს უნდა გახდეს ახალი ეტაპი ქვეყნის დეოკუპაციისთვის ბრძოლაში, იმისთვის, რომ საქართველოს მთავრობამ დაიწყოს დეოკუპაციის მიმართ უფრო აქტიური მოქმედებები, - განაცხადა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე