პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის განცხადებით, თვითმმართველობის არჩევნების ერთგვარ პლებისციტად გამოყენება მიუღებელია.

მისი თქმით, სხვა განსახილველ საკითხებზე მოსალაპარაკებლად მმართველი გუნდი სრულ მზადყოფნაშია.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე ამბობს, რომ ეს ინიციატივა პრინციპულად არასწორია, თუმცა სხვა განსახილველ საკითხებთან დაკავშირებით მოსალაპარაკებლად მმართველი პარტია სრულ მზადყოფნაშია:

„თემები, რომელთა ირგვლივაც შეიძლება შედგეს მნიშვნელოვანი შეთანხმება ჩვენი ქვეყნის საკეთილდღეოდ, რა თქმა უნდა, არ ამოიწურება იმ შემოთავაზებით, რომელიც უკავშირდება ადგილობრივი თვითმმართველობის არჩევნების გამოყენებას ერთგვარი პლებისციტის გამოყენების სახით. ეს ინიციატივა ჩემთვის ნამდვილად მიუღებელია, არ არის სწორი პრინციპულად და ყველა შემთხვევაში უარსაყოფია.

რაც შეეხება სხვა საკითხებს და ასეთი საკითხთა წრე საკმაოდ ფართოა, მათ შორის, უმნიშვნელოვანესია საარჩევნო რეფორმასთან დაკავშირებით გარკვეული შეთანხმება და კონსულტაციები, რა თქმა უნდა, ამასთან დაკავშირებით, გვექნება სრული მზადყოფნა, რომ გაგრძელდეს მოლაპარაკებები“, - განაცხადა მიხეილ სარჯველაძემ.

ცნობისთვის, „პოლიტიკური ცენტრი - გირჩი“ და „მოქალაქეები“ გამოდიან ინიციატივით, რომელიც თვითმმართველობის არჩევნების ერთგვარ პლებისციტად გამოყენებას გულისხმობს.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე