„ქართულ ოცნებაში“ პარტიის ახალ თავმჯდომარესთან დაკავშირებით გადაწყვეტილება მიღებულია. აღნიშნულის შესახებ უმრავლესობის ერთ-ერთმა ლიდერმა, მამუკა მდინარაძემ ჟურნალისტებთან საუბრისას განაცხადა.

მისივე თქმით, საზოგადოებისთვის ეს ყველაფერი მას შემდეგ გახდება ცნობილი, რაც პარტიაში შესაბამისი პროცედურები ჩატარდება.

„მე შემიძლია მთელი პასუხისმგებლობით გითხრათ, რო ამის შესახებ პარტიაში, ჩვენს გუნდში გადაწყვეტილებები პრაქტიკულად ბოლომდეა მიყვანილი, მიღებულია, თუმცა ამის შესახებ საზოგადოება გაიგებს რამდენიმე დღეში, იმიტომ რომ ბუნებრივია პარტიაში ამ ცვლილებების შესახებ იქნება შესაბამისი პროცედურები და აქედან გამომდინარე და ამის შესახბამისად გექნებათ ინფორმაცია“, - განაცხადა მამუკა მდინარაძემ.

შეგახსენებთ, რომ დღეს, „ქართული ოცნების“ თავმჯდომარემ, ბიძინა ივანიშვილმა ღია წერილი გაავრცელა, სადაც აღნიშნულია, რომ ის ტოვებს თანამდებობას და მიდის პოლიტიკიდან.

ამასთანავე, გავრცელდა ინფორმაცია, რომ პარტიაში ბიძინა ივანიშვილის თანამდებობას, სავარაუდოდ, ირაკლი კობახიძე დაიკავებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე